ޗާގޯސް ލިބެން އޮތްނަމަ ރައީސް ނަޝީދާއި، ރައީސް ޔާމީނާއި، ރައީސް މައުމޫންގެ ވެރިކަމުގައި ރާއްޖެއަށް އެތަން ނުލިބި އޮތީ ކީއްވެތޯ ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ސުވާލު ކުރައްވައިފިއެވެ.

ޝަރީފް މިހެން ވިދާޅުވީ ޗާގޯސް ލިބެންއޮތީ ރާއްޖެއަށް ކަމަށާއި، އެ ފުރުސަތު ދޫކޮށްލީ ރައީސުލްޖުމްހޫރިއްޔާގެ އަމިއްލަ ފައިދާއަށްކަމަށް ވިދާޅުވެ އެސްޓީއޯގެ ކުރީގެ އެމްޑީ ހުސެއިން އަމްރު ކުރި ޓުވީޓަށް ރައްދު ދެއްވަމުންނެވެ. އަމްރު ވިދާޅުވީ މިމައްސަލައަކީ ދިވެހި ރައްޔިތުންނަށް އެއްފަހަރާ މުއްސަދިވާން ލިބުނު ބޮޑު ފުރުސަތެއްކަމަށެވެ. ނަމަވެސް އެފުރުސަތު މިސަރުކާރުން ދޫކޮށްލީކަމަށެވެ.

ސަރުކާރުން މިޗާގޯސް ރާއްޖެއަށް ލިބެން އޮތް ފުރުސަތު ދޫކޮށްލީ ސީދާ ރައީސް ޞާލިހުގެ އަމިއްލަ މަސްލަހަތަށް ކަމަށް އަމްރު ވިދާޅުވިއެވެ. މިއަދު ޗާގޯސް ރާއްޖެއަށް ލިބެން އޮތް ފުރުސަތު ދޫކޮށްލުމުގެ އެންމެ ބޮޑު ޒިންމާއެއް ނަންގަނަވަންޖެހޭނެ ބޭފުޅަކީ ރައީސް ޞާލިހުކަމަށް އަމްރު ވިދާޅުވިއެވެ.

އަމްރުގެ ވާހަކަތަކަށް ރައްދު ދެއްވައި ޝަރީފް ވިދާޅުވީ ޗާގޯސްއަކީ ރާއްޖޭގެ ތަނެއްކަން އެނގޭ މީހަކުވެސް ނެތްކަމަށެވެ. އަދި އެތަނުގައި ދިވެހިން ދިރިއުޅުނުތޯއާއި، އެތަނުގެ މިލްކުވެރިކަން ދުވަހަކުވެސް ރާއްޖެެއަށް އޮތްތޯ ޝަރީފް ވަނީ ސުވާލު އުފައްދާފައެވެ.

ޗާގޯސް އުފަންވީ 2023 ވަނަ އަހަރުތޯ؟ މިހާތަނަށް ރާއްޖޭގެ ތަނެއްގެ ގޮތުގައި ޗާގޯސް ނެތީ ކީއްވެތޯ؟ ދިވެހިން ދުވަހަކުވެސް އެތާގަ ދިރި އުޅުނުތޯ؟ ޗާގޯސް ލިބެން އޮތްނަމަ ރައީސް ނަޝީދާއި، ރައީސް ޔާމީނާއި، ރައީސް މައުމޫންގެ ވެރިކަމުގައި އެތަން ރާއްޖެއަށް ނުލިބި އޮތީ ކީއްވެ؟

– އަމްރުއާއި ސުވާލު ކުރައްވަމުން ޝަރީފް ވިދާޅުވިއެވެ.

Chagos ufanvee 2023 vana aharuthoa? Mihaathah dhuvahu Raajje ge thanehge gothuga Chagos nethee keevvethoa? Dhivehin dhuvakukuves ethaaga dhiri ulhunu thoa? Chagos liben onnanama @MohamedNasheed aa @orz_ymn aa @maumoonagayoom ge verikamuga ethan Raajje ah nulib othee keevve? https://t.co/ylw0YB8l7z

— Ibrahim Shareef (@AdduShareef) April 29, 2023

މޮރިޝަސްގެ ފަރާތުން ދިވެހިރާއްޖެއާއި ޗާގޮސްއާ ދެމެދު އޮތް ކަނޑުގެ ސަރަހައްދުގެ ތެެރއިން ފުށުއަރާ ސަރަހައްދާއި ގުޅޭގޮތުން ޔުނައިޓެޑް ނޭޝަންސް ކޮންވެންޝަން އޮން ދަ ލޯ އޮފް ދަ ސީ (މުޢާހަދާ)ގެ ދަށުން 23 އޮގަސްޓު 2019 ގައި ހުށަހެޅި މައްސަލާގައި މިއަދު އިންޓަރނޭޝަނަލް ޓްރައިބިއުނަލް ފޮރ ދަ ލޯ އިފް ދަ ސީ (ޓްރައިބިއުލަން) ކުރި ހުކުމުގައި، ދެގައުމުގެ މެރިޓައިމް ބައުންޑަރީގައި ފުށުއަރާ 92،563 އަކަ ކިލޯ މީޓަރުގެ ސަރަހައްދުން ރާއްޖެއަށް ލިބިފައިވަނީ 47،232 އަކަ ކިލޯ މީޓަރުގެ ސަރަހައްދެއް ކަމަށާއި، އަދި މޮރިޝަސްއަށް ދޭން ކޯޓުން ހުކުމް ކޮށްފައިވަނީ 45،331 ގެ ސަރަހައްދެކެވެ.

އަދި ޗާގޯސްގެ މިލްކުވެރިކަން ލިބިފައިވަނީ މޮރިޝަސްއަށެވެ. އެޤައުމުގެ ސަރުކާރާއިި ރައްޔިތުން ވަނީ ނިންމުމާއި ގުޅިގެން ވަރަށް ބޮޑަށް އުފާފާޅު ކުރަމުންނެވެ.