އަންނަ އޮގަސްޓް މަހުގެ ކުރިން ކާޑުގެ ބާވަތްތައް ގުދަންކުރާ ތަންތަން ރަޖިސްޓްރީ ކުރަން ޖެހޭ ގޮތަށް ހަދައިފިއެވެ.
މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މިއަދު ކުރި އިއުލާނެއްގައި ބުނީ، "ރައްކާތެރި ގޮތުގައި ކާބޯތަކެތި ގެންގުޅުމާއި އެ ތަކެތި އެއް ތަނުން އަނެއް ތަނަށް އުފުލުމާއި ގުދަންކުރުމުގައި އަމަލުކުރާނެ ގޮތުގެ މިންގަނޑު" ގެ ދަށުން ގުދަންތައް ރެގިއުލޭޓް ކުރުމަށް އެ ފަދަ ތަންތަން ރަޖިސްޓްރީ ކުރަން އެ އޮތޯރިޓީން ނިންމާފައިވާ ކަމަށެވެ.
"ވީމާ، 1 އޮގަސްޓު 2023 ގެ ކުރިން މިފަދަ ގުދަންތައް މިއޮތޯރިޓީގައި ރަޖިސްޓްރީ ކުރުމަށް އާންމުކޮށް އަންގާ އިއުލާން ކުރީމެވެ" އެމްއެފްޑީއޭއިން ބުންޏެވެ.
ކާޑުގެ ބާވަތްތައް ގުދަންކުރާ ގޮތުން އެތަކެތި ހަލާކުވެ، ފަނިފަކުސާ އެޅުން ފަދަ މައްސަލަތައް ދޭތެރެ ދޭތެރެއިން ކުރިމަތިވެއެވެ. އަދި ސާފުތާހިރުކަމުގެ ގޮތުން އެކަށީގެންނުވާ ތަންތަނުގައި ކާޑުގެ ބާވަތްތައް ރައްކާކުރާކަމުގެ ޝަކުވާވެސް ބޮޑެވެ.
ކޮމެންޓު ފޮނުވާ