ބޮލީވުޑްގެ ލޯބި ކަޕުލްގެ ގޮތުގައި މަޝްހޫރު ބަތަލާ އަނުޝްކާ ޝަރުމާއާއި އޭނާގެ ފިރިމީހާ ކްރިކެޓް ކުޅުން ތެރިއާ ވިރާޓް ކޯލީ ޖިމް އަށް ގޮސް ނަށާ ވީޑިއޯ އެއް އާންމު ވެއްޖެއެވެ.
މި ވީޑިއޯ އިން ފެނިގެން ދަނީ ދެމީހުން ބާރު ހިނގުމެއްގައި އައިސް ޖިމް އަށް ވަންނަ ތަނެއެވެ. އަދި އަތުކުރި އޮޅައިލާފައި ނަށަން ފަށައެވެ. ދެމީހުން ވަރުގަދަ އަށް ނަށަން ފަށައި އިރުކޮޅެއްވާއިރަށް ވިރާޓް ވަރުބަލި ވެގެން އުޅޭ ތަން ވެސް ފެނެއެވެ.
މި ދެމަފިރިން ނެށި ލަވަ އަކީ އަނުޝްކާ ބޮލީވުޑް އަށް ތައާރަފްވި ފިލްމް 2008 ގެ "ރަބް ނެ ބަނާދީ ޖޯޅީ" ގެ މަޝްހޫރު ލަވައެއްގެ ކަޑިއެވެ. އަނުޝްކާ ބޮލީވުޑް އަށް ތައާރަފްވީ ޝާހުރުކް ހާން އާއި އެކުގައިއެވެ.
View this post on Instagram
އަދިތިޔާ ޗޯޕްޅާ ޑައިރެކްޓްކުރި "ރަބް ނެ ބަނާދީ ޖޯޅީ" އަކީ ބޮކްސް އޮފީހުގައި ވަރަށް ކާމިޔާބު ފިލްމްއެކެވެ. ޝާހުރުކް އާއި އަނުޝްކާ ގެ ފޯރިގަދަ ނެށުންތަކެއް ފެނިގެންދިއަ ލަވަ އަކީ ވެސް އެހާމެ މަޝްހޫރު ލަވައެކެވެ.
އަނުޝްކާ އާއި ވިރާޓް ކަިއވެނި ކުރީ 2017 ވަނަ އަހަރުގެ ޑިސެމްބަރު މަހުގެ 11 ވަނަ ދުވަހުގައިއެވެ. އަދި ދެމީހުންނަށް 2021 ވަނަ އަހަރު ވަނީ ދަރިއަކު ލިބިފައިއެވެ. އެކުއްޖާގެ ނަމަކީ ވަމިކާއެވެ.
