ހއ.ދިއްދޫ ޖޫނިއަރ ކޮލެޖުގެ މަސައްކަތުގެ ބޮޑުބައެއް ނިމިފައިވާކަމަށް ހަޔަރ އެޑިޔުކޭޝަން މިނިސްޓްރީން ވިދާޅުވެއްޖެއެވެ.
މިޖޫނިއަރ ކޮލެޖް ޚާއްސަ ކޮށްފައިވަނީ ފުޑް ޕްރޮސެސިންގ ދާއިރާގެ އެކި ލެވެލްތަކުގެ ކޯސްތައް ހިންގުމަށްކަމަށް އެމިނިސްޓްރީން ވިދާޅުވެއެވެ. މީގެއިތުރުން ވޮކޭޝަނަލް ދާއިރާއާ ގުޅުންހުރި ކޯސްތައްވެސް މިތަނުން ހިންގާނެކަމަށް މިނިސްޓްރީން ވިދާޅުވެއެވެ.
މިނިސްޓްރީ އޮފް ހަޔަރ އެޑިޔުކޭޝަނުން ހއ.ދިއްދޫގައި އިމާރާތް ކުރަމުންދާ ޖޫނިއަރ ކޮލެޖުގެ ކޮންކްރީޓް މަސައްކަތްތައް ނިންމާ، ރޭނުމުގެ މަސައްކަތްތައް ހަލުވި ކަމާއެކު ކުރިއަށްދަނީ!@presidencymv pic.twitter.com/5pElXg9x61
— Ministry of Higher Education (@MoHEmv) April 13, 2023
މިއީ މިނިސްޓްރީ އޮފް ހަޔަރ އެޑިޔުކޭޝަނުން ރާއްޖޭގެ އެކި ސަރަޙައްދުތަކަށް އަމާޒުކޮށް މަތީ ތަޢުލީމާއި ތަމްރީނު ދޭ މަރުކަޒުތައް ބިނާކޮށް ހިންގުމަށް ކުރިޔަށް ގެންދާ މަޝްރޫޢުތަކުގެ ތެރެއިން މަޝްރޫއެކެވެ. ހއ.ދިއްދޫގައި އެޅުމަށް ހަމަޖެހިފައިވާ ޖޫނިއަރ ކޮލެޖުގެ މަސައްކަތްކުރުމަށް ވީ އަވަރ އިންވެސްޓްމެންޓް ޕްރައިވެޓް ލިމިޓެޑާ ހަވާލުކޮށްފައިވަނީ މިދިޔަ އަހަރުގެ މެއި މަހުގެ 12 ވަނަ ދުވަހުގައެވެ.
