އަޅުގަނޑުމެންގެ ޤައުމުގެ ތާރީޚުގައިވެސް އެންނެ އުނދަގޫ 3 އަހަރު ދުވަހުގެ ތެރޭގައި ޤައުމަށް ލިބުނު ކުރިއެރުން ރައްޔިތުން ހަގީގަތުގައިވެސް ބަލައިގަނެ އެކަމުގެ އަގުވަޒަންކުރާކަމަށް ރައްޔިތުންގެ މަޖިލީހުގެ މަރަދޫ ދައިރާގެ މެމްބަރު އިބްރާހީމް ޝަރީފް (މަވޯޓާ) ވިދާޅުވެއްޖެއެވެ.
އޭނާ އިޝާރާތްކުރެއްވީ ކޯވިޑް19ގެ ދަތި ޙާލަތުގައި ރާއްޖޭގެ އިގްތިސާދު ހިފެހެއްޓެވުމަށް ސަރުކާރުން އެޅުއްވި ފިޔަވަޅުތަކާއި އޭގެ ނަތީޖާއަށެވެ. މަވޯޓާ ވިދާޅުވީ ސަރުކާރުން އެންމެބޮޑު އިސްކަމެއްދެއްވީ ރައްޔިތުންގެ ދިރިއުޅުން ހިމާޔަތްކުރުމަށްކަމަށެވެ. ދުނިޔޭގެ ބޮޑެތި ބާރުގަދަ ޤައުމުތައްވެސް އިނދަޖެހިގެންދިޔަ ކޯވިޑްގެ ޙާލަތުގައި ރާއްޖެއިން އެޅި ފިޔަވަޅުތަކަކީ ދުނިޔޭގެ ޤައުމުތަކުން ތައުރީފްކުރި ފިޔަވަޅުތަކެއްކަން މަވޯޓާ ފާހަގަކުރެއްވިއެވެ.
The Maldivian people really appreciate the progress our country made during the most difficult 3 years in our country’s history. People do really appreciate the way @ibusolih managed the economy while giving the highest priority to protect lives n livelihood.
— Ibrahim Shareef (@AdduShareef) April 13, 2023
މިއަދު ރާއްޖޭގެ އިޤްތިސާދު އޮތީ ވަރުގަދަ ދުޅަހެޔޮ ޙާލަތެއްގައިކަމަށާ، އަޅުގަނޑުމެންގެ އިގްތިސާދަކީ ދުނިޔޭގައި އެންމެ އަވަހަށް ކުރިއަރަމުން އަންނަ އެއް އިގްތިސާދުކަމުގައި އޭނާ ފާހަގަކުރެއްވިއެވެ. އަދި ސަރުކާރުން ދައުލަތުގެ އާމްދަނީ އިތުރުކުރުމަށް ކުރަމުންއަންނަ މަސައްކަތްތަކާއި ދަރަނި ފޫބެއްދުމަށް ކުރައްވާ މަސައްކަތްތައް މަވޯޓާ ފާހަގަކުރެއްވިއެވެ.
ރާއްޖެ ބަނގުރޫޓުވާނެކަމަށް ބުނެ އިދިކޮޅު ފަރާތްތަކުން ހިންގި ޕްރޮޕެގެންޑާއާ ޚިލާފަށް އިޤްތިޞާދު ދިޔައީ ކުރިއަށްކަމަށާ، ކޯވިޑް-19ގެ ސަބަބުން ކުރިމަތިވި ޙާލަތު ވަނީ ރަނގަޅުވެފައިކަމަށް ރައީސް އިބްރާހީމް މުޙައްމަދު ޞާލިޙާއެކު އޮތީ އުންމީދާއި ކުރިއެރުންކަމަށް މަވޯޓާ ވިދާޅުވިއެވެ.
