އިދިކޮޅު ޕީޕީއެމްގެ އޮފީސް ކުރިމަތީގައި ސިލްސިލާކޮށް މުޒާހަރާކުރާ މީހުން އެ މަގުން ދަތުރުކުރާ ވެހިކަލްތައް ހުއްޓުވައި ޓްރެފިކަށް ދަތިކުރާ މައްސަލަ ބޮޑުވެ، އެކަމުގެ ކަންބޮޑުވުން ބައެއް ފަރާތްތަކުން ކުރަން ފަށައިފިއެވެ.
އިދިކޮޅު ކޯލިޝަނުން މާލޭގައި ކޮންމެ ރެއަކުން ގެންދަނީ ސިލްސިލާ ގޮތެއްގައި މުޒާހަރާތައް ބާއްވަމުންނެވެ. މިމުޒާޖަރާތަކުގައި މީގެ ކުރިން އާންމު ދަތުރުތަކަށް ދަތުރު ނުކުރެވޭނެހެން ހުރަސް އަޅައި ޓްރެފިކަށް ދަތިވާނެހެން އަމަލުކޮށްފައި ނުވެއެވެ. އަދި އެޖާގަ ފުލުހުންވެސް މުޒާހަރާ ކުރާ ފަރާތްތަކަށްވެސް ނުދެއެވެ.
ނަމަވެސް ރޭގެ މުޒާހަރާގެ ބައިވެރިންތަކެއް އެމްޓީސީސީގެ ބަހެއް ހުއްޓުވައި، ބަހުގެ ކުރިމައްޗަށް އަރައި ހުއްޓުވާފައެވެ. އަދި ބައެއް އާންމު އުޅަދުތަތަކަށްވެސް ދަތުރު ނުކުރެވޭނެހެން ހުއްޓުވާފައެވެ. އެހެންވެ، ޓްރެފިކް ތާށިވެ، ކުރިއަށް ދެވޭ ގޮތް ނުވެގެން ބައެއް މީހުން ތިބެން ޖެހުނެވެ. އެސަރަހައްދުގައި ފުލުހުންވެސް ގިނަ އަދަދަކަށް ތިބި ނަމަވެސް މިކަންކަން އެންމެ އެކަށީގެންވާ ގޮތަކަށް ކޮންޓްރޯލް ކުރެވުނު ތަނެއް ނުފެއެވެ.
ކޮންމެ ރެއަކު ވެސް އިދިކޮޅުގެ މުޒާހަރާ ފަށަނީ ބޮޑުތަކުރުފާނު މަގުގައި ހުންނަ ޕީޕީއެމް އޮފީސް ކުރިމަތިންނެވެ. އެތަނުގެ ކުރިމަތީގައި ބަސް ސްޓޮފެއް ހުރެއެވެ. ސޯޝަލް މީޑިއާގައި ދައުރުވާ ވީޑިއޯއަކުން ފެންނަ ގޮތުގައި، އެ ބަސް ސްޓޮޕަށް ރޭ މަޑުކުރަން ދިޔަ ބަހެއް މުޒާހަރާގެ ބައިވެރިން ހުއްޓުވައި، އެ ވެހިކަލް ކުރިއަށް ދާން ހުރަސްއެޅީއެވެ.
— Naailu (@kudanai) April 12, 2023
މިވީޑިއޯއާ ގުޅިގެން އާންމުންގެ ގިނަ ބަޔަކު ވެސް ކަންބޮޑުވުން ފާޅުކޮށްފައިވެއެވެ. އެގޮތުން ޓްވީޓް ކުރި ގިނަ މީހުން ބުނި ގޮތުގައި ޕީޕީއެމްގެ މުޒާހަރާތަކުގައި މަގުމަތިންދާ ވެހިކަލްތައް ހުއްޓުވުމަކީ ވެސް މިފަހަކުން އައިސް އާންމު ކަމެކެވެ. ބައެއް މީހުން ބުނި ގޮތުގައި، މުޒާހަރާ ކުރާ ގަޑީގައި އެ މަގުން ދަތުރުކުރާ އެހެން ވެހިކަލްތަކަށް ވެސް މުޒާހަރާގެ ބައިވެރިން ހުރަސްއެޅުން މިހާރު އާންމު ކަމަކަށް ވެއްޖެއެވެ.
ޖެއްސުން ކޮށް ދުއްތުރާ މިކުރެވެނީ ރައްޔުތުންނަށް ކަމެއް ހިތަކަށް ނާރާ. ތަނެއްދޮރެއް ނުދަންނަ ނާތަހުޒީބު ބައެއް. އެހެން ތެޅިފަ އަދި ހައްޔަރުކުރީމަ ގޯސްވާނީވެސް ޕޮލިހުން. ރައްޔިތުންނަށް އެގޮތަށް އުނދަގޫ ކުރާކަމަށް ވަންޔާ ހައްޔަރުވެސް ކުރަންވީ، ޖަލަށްވެސް ލާންވީ
— Fathmath Aroosha (@FathmathAroosha) April 13, 2023
މިދިޔަ މަހުގެ 20 ވަނަ ދުވަހުގެ ރޭ އިދިކޮޅު ފަރާތްތަކުން ބޮޑުތަކުރުފާނު މަގުގައި މުޒާހަރާ ކުރަމުން ދިޔަ ވަގުތު، ރައީސް އިބްރާހިމް މުހައްމަދު ސޯލިހުގެ މޮޓޯކޭޑް އެ ސަރަހައްދު ހުރަސްކޮށް ދާން އުޅެނިކޮށް މުޒާހަރާގެ ބައިވެރިން ވަނީ މޮޓޯކޭޑް ވެސް ހުއްޓުވައިފަ އެވެ. އެ މައްސަލާގައި ބައެއް މީހުން ހައްޔަރު ވެސް ކުރިއެވެ.
One Response
ޕީޕީއެމުން ޓުރެފިކަށް ހުރަސް އަޅަނީ ކީ ނޫން ޓުރެފިކަށް ހުރަސް އަޅަނީ މި ޣައްދާރު ސަރުކާރުން މި ސަރުކާރަކީ ރައިއްޔަތުންނަށް ޖެހިފާވާ މުސީބާތެއް.