މުނާފިގުން ގޮވައިގެން ހަނގުރާމައެއް ނުކުރެވޭނެކަމަށް ވިދާޅުވެ މަގުހަދާ ކުންފިނި އާރުޑީސީގެ މެނޭޖިން ޑިރެކްޓަރު މޫސާ ޢަލީ މަނިކު (މޫކޭ) ރައީސް ނަޝީދުގެ ފިކުރެއްގެ ދިރުމަށް ރައްދުދެއްވައިފިއެވެ.
ރައީސް ނަޝިދުގެ ފިކުރެއްގެ ދިރުމަށް ނިސްބަތްވާ އިސް ދެ ބޭފުޅަކު ގާތްގާތުގައި ސަރުކާރުގެ މަޤާމުތަކުން ވަކިކުރެއްވުމާ ގުޅިގެން ސަރުކާރަށް ވަނީ ފާޑުކިޔުންތައް އަމާޒުވެފައެވެ. އެ ފާޑުކިޔުންތަކަށް ރައްދުދެއްވައި މޫކޭ ވިދާޅުވީ ރައީސް ޞާލިޙު މި ވީހާ ދުވަހު ތިޔައެންމެން ބައިތިއްބައިގެން ހުންނެވިކަން ރަނގަޅުކަމަށެވެ. އަދި އެމް.ޑީ.ޕީ ފަނިކާން ދޫކޮށްލައިގެން ރައީސް ޞާލިޙު ހުންނަވާނެ ކަމަށް ހީކުރުމަކީ "ފިކުރޭމެންގެ" ރައީސް ނަޝީދުގެ ފުކުރެއްގެ ދިރުމަށް ނިސްބަތްވާ މީހުންގެ މޮޔަކަންކަމުގައި މޫކޭ ވިދާޅުވިއެވެ.
މޫކޭއަކީ ރައީސް ޞާލިޙަށް ދާއިދުކުރައްވާ ބޭފުޅެކެވެ. އާނާ ދެކެވަޑައިގަންނަވާ ގޮތުގައި ރައީސް ޞާލިޙު އެމްޑީޕީގެ ވެރިކަމެއް ވަރަށް ފުރިހަމަ ގޮތުގައި ހިންގަވައިފިއެވެ. އަދި ކާމިޔާބު ދައުރަކަށްފަހު އެމްޑީޕީއަށް ވެރިކަން ގެއްލުނަނުދީ ބޭއްވޭނީ ރައީސް ޞާލިޙަށް ދެވަނަ ދައުރެއް ދީގެންނެވެ. އެހެންކަމުން ރައީސް ޞާލިޙާ ދެކޮޅަށް މިހާރު މަސައްކަތްކުރަމުންދާ ފިކުރެއްގެ ދިރުމަށް މޫކޭ އަންނަނީ ވަރަށްބޮޑަށް ފާޑުވިދާޅުވަމުންނެވެ.
އެމް.ޑީ.ޕީ ފަނިކާން ދޫކޮށްލައިގެން ރައީސް ޞާލިޙު ހުންނަވާނެ ކަމަށް ހީކުރުމަކީ ފިކުރޭމެންގެ މޮޔަކަން. ރައީސް ޞާލިޙު މި ވީހާ ދުވަހު ތިޔައެންމެން ބައިތިއްބައިގެން ހުންނެވިކަން ރަނގަޅު. މުނާފިގުން ގޮވައިގެން ހަނގުރާމައެއް ނުކުރެވޭނެ. https://t.co/83sctV7V7i
— Moosa Ali Manik 🇲🇻 (@VMookey) March 29, 2023
ފިކުރެއްގެ ދިރުމުގައި އިސްކޮށް ޙަރަކާތްތެރިވާ، ޙުސައިމް އަމްރާއި މުޙައްމަދު ޝިފާޒް ވަނީ ދާދިފަހުން އެބޭފުޅުން ސަރުކާރުގައި ތިއްބެވި މަޤާމުތަކުން ވަކިކުރައްވާފައެވެ. އަމްރު ހުންނެވީ އެސްޓީއޯގެ މެނޭޖިން ޑިރެކްޓަރ އަދި ސީއީއޯގެ މަޤާމުގައެވެ. އޭނާ ވަކިކުރެއްވީ މިދިޔަ އާދީއްތަދުވަހުއެވެ. ޝިފާޒް ހުންނެވީ ރައީސް އޮފީހުގެ މިނިސްޓަރުކަމުގައެވެ. އޭނާ ވަކިކުރެއްވީ އިއްޔެއެވެ.
ކޮމެންޓު ފޮނުވާ