ވެލާނާ އިންޓަނޭޝަނަލް އެއާޕޯޓުގައި މިއަދު މެންދުރު ޖެއްދސި ފްލައި ދުބާއީގެ މަތިންދާ ބޯޓުގެ ފުރޮޅު ފަޅައި ހިނގެއްޖެއެވެ.
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ވެސް ވަނީ ވެލާނާ އެއާޕޯޓަށް ފްލައިޓެއް ޖެއްސި ވަގުތު ޓަޔަރު ފަޅައިގެން ދިޔަކަން ކަށަވަރު ކޮށްދީފައެވެ.
އެމްއޭސީއެލުން ބުނީ، މިހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށެވެ. މިހާދިސާއާއި ގުޅިގެން މިވަގުތު ރަންވޭ ބަންދު ކޮށްފައިވާއިރު، ހަވީރު 17:00 ގެ ފަހުން ރަންވޭ ހުޅުވުމުގެ މަސައްކަތް ކުރަމުން އަންނަ ކަމަށް ވެސް އެމްއޭސީއެލުން ވަނީ ބުނެފައެވެ.
ވެލާނާ އިންޓަނޭޝަލް އެއާޕޯޓުގެ ރަންވޭ ބަންދު ކުރުމާއި ގުޅިގެން ކޮލަމްބޯ، ބެންގަލޫރު، ކޫއްޑޫ، ދުބާއީ، އިފުރު/ހަނިމާދޫ ފްލައިޓްތައް ވަނީ ޑައިވާޓް ކޮށްފައެވެ.
ޔޫއޭއީގެ އެއާލައިނެއް ކަމަށްވާ ފްލައި ދުބާއީ އިން މާލެ އާއި ދުބާއީއާ ދެމެދު ހަފުތާއަކު ހަތަރު ދަތުރު ކުރެއެވެ.
