މަގުމަތީގައި މަސްތުވެގެން ތިބެ ސަލާންޖަހާ މީހުން ރިހިބިލިޓޭޓްކުރަމުން އަންނަ ކަމަށް ނެޝަނަލް ޑްރަގް އެޖެންސީ (އެންޑީއޭ) އިން ބުނެފި އެވެ.
ހެލްތު މިނިސްޓްރީގެ ޑެޕިއުޓީ މިނިސްޓަރު ޝަމާއު ޝަރީފު ދައުލަތުގެ މީޑިއާ ޕީއެސްއެމްގައި ވާހަކަ ދައްކަވަމުން ވިދާޅުވީ ވިދާޅުވީ އެކި މުއައްސަސާތައް ގުޅިގެން ކުރި މަސައްކަތުން މިހާރު ބެސް އެގޮތަށް ސަލާންޖަހަން ތިބި އަންހެނުންނާއި ފިރިހެނުންނަށް ވެސް އެކި މަރުކަޒުތަކުގައި ފަރުވާ ދެމުން އަންނަ ކަމަށެވެ.
ޝަމާއު ވިދާޅުވީ މާލޭގެ މަގުމަތީގައި އާންމުންނަށް އުނދަގުވާ ގޮތަށް އެކި ކުށްތަައް ކުރާ މަސްތުވަތަކެތީގެ ބޭނުންކުރާ މީހުން ވެސް ފަރުވާގެ އެކި ޕްރޮގްރާމްތަކުގައި ބައިވެރިކޮށް ރަނގަޅުކުރުމުގެ މަސައްކަތްތައް ކުރަމުން އަންނަ ކަމަށެވެ.
މާލޭގެ މަގުމަތީގައި މަސްތުގެ ހާލަތުގައި ތިބޭ މީހުންނަށް ފަރުވާ ދޭން ފަށާފައިވާ އިރު، އޭގެ ތެރެއިން ގިނަ މީހުންނަކީ ސިއްޙީ ބޮޑެތި ބަލިތައް ވެސް ހުރި މީހުން ކަމަށް ޝަމާއު ވިދާޅުވި އެވެ. އެހެންވެ އެ ބަލިތަކަށްވެސް ފަރުވާ ދީ އެ މީހުން ރަނގަޅު ކުރުމުގެ މަސައްކަތް ކުރަމުން އަންނަ ކަމަށް ވިދާޅުވި އެވެ.
