މާސްޓާސް އޮފް ލޯ އިން އިންޓަނޭޝަނަލް މެރިޓައިމް ލޯ އަދި މާސްޓާސް އޮފް ހިއުމަނިޓީސް އިން އިންޓަނޭޝަލް މެރިޓައިމް ލެޖިސްލޭޝަން ދާއިރާއިން ސްކޮލަޝިޕްއަށް ކުރިމަތިލުމުގެ ފުރުސަތު ވަނީ ހުޅުވާލާފައެވެ. ކޮންމެ ކޯހަކުން ވެސް ހުލުވާލާފައި ވަނީ އެންމެ ފުރަސަތެކެވެ.

ކޯހަށް ކުރިމަތިލާ ފަރާތްތަކުގެ ތެރެއިން ދެ ފަރާތެއް ނޮމިނޭޓް ކުރާނީ ހަޔާރ އެޑިއުކޭޝަން މިނިސްޓްރީންނެވެ. ނަމަވެސް މި ކޯހުގެ ފައިނަލް ސިލެކްޝަން ހަދާނީ ކޯސް އިންތިޒާމުކުރާ ފަރާތުންނެވެ.

އެޕްލިކޭޝަން ހުށަހަޅާ ކެންޑިޑޭޓުންގެ ތެރެއިން ނޮމިނޭޓްވާ ކެންޑިޑޭޓް ހުށަހަޅާފައިވާ ޑޮކިއުމެންޓްތަކުގެ އެޓެސްޓް އޮރިޖިނަލް އަދި ކޮޕީ ސެޓެއް އަންނަ މަހުގެ ތިނެއް ވާ ހޯމަ ދުވަހުގެ 10:00 ކުރިން އެ މިނިސްޓްރީއަށް ހުށަހަޅަންޖެހޭނެ ކަމަށް ހަޔާރ އެޑިއުކޭޝަން މިނިސްޓްރީން ހާމަކޮށްފައިވެއެވެ.

އަދި ސްޓޫޑެންޓް ލޯނު ސްކީމަކަށް ހޮވިފައިވާ ކެންޑިޑޭޓުން ލޯނު އެގްރީމެންޓްގައި ސޮއިނުކުރާނަމަ ކޯހުގައި ބައިވެރި ނުވެވޭނެ ކަމަށް ވެސް އެ މިނިސްޓްރީން ބުނެފައިވެއެވެ.

އެހެން ސްކޮލާޝިޕަކަށް ހޮވިފައިވާ މީހެއްނަމަ މި ސްކޮލާޝިޕްގައި ބައިވެރި ވުމުގެ ފުރުސަތެއް ނޯންނާނެއެވެ. ކޯހަށް ހޮވޭ ދެ މީހުންގެ ހުރިހާ ޚަރަދެއް ހަމަޖައްސާނީ ކޯސް އިންތިޒާމުކުރާ ފަރާތުންނެވެ.

ކޯހުގައި ބައިވެރިވުމުގެ ފުރުސަތު ހަމަވާނީ އަންނަ މަހުގެ ދެވަނަ ދުވަހުއެވެ. ކޯހާއި ބެހޭ އިތުރު މައުލޫމާތު ހަޔާރ އެޑިއުކޭޝަން މިނިސްޓްރީގެ ވެބްސައިޓުން ލިބެން ހުންނާނެެއެވެ.