މެންޗެސްޓަރ ޔުނައިޓެޑް އަތުން ހޯދި ހަތް ލަނޑުގެ މޮޅަށްފަހުވެސް, ކުރިއަށް ނުދެވި ލިވަޕޫލް އަނެއްކާވެސް ބަލިވެއްޖެއެވެ.
ބޯންމައުތުގެ ދަނޑުގައި ކުޅުނު މި މެޗުގައި އެ ޓީމުގެ ހަމައެކަނި ގޯލް 28 ވަނަ މިނެޓުގައި ވައްދާލީ ފިލިޕް ބިލިންއެވެ. ލިވަޕޫލްގެ ޑިފެންސަށް ހެދުނު ގޯހެއްގެ ފައިދާ ނަގައި ބިލިން މި ލަނޑު ޖެހީ، ޑަންގޯ އޯޓަރާ ދިން ބޯޅައަކުންނެވެ.
އޭގެ ކުރިން ލިވަޕޫލްގެ ވާޖިލް ވެން ޑައިކް ފޮނުވާލި ބޯޅައެއް ބޯންމައުތުން ގޯލް ރޮނގު މަތިން ސަލާމަތްކުރިއެވެ. އަދި ޑިއޮގޯ ޖޮޓާގެ ހަމަލައެއް ބޯންމައުތުގެ ގޯލްކީޕަރު ނެޓޯ މަތަކުރިއެވެ. ލިވަޕޫލަށް ނަތީޖާ ހަމަހަމަކުރަން އެންމެ ރަނގަޅު ފުރުސަތެއް ލިބުނީ 69 ވަނަ މިނެޓުގައި ޕެނަލްޓީއަކުން މުހައްމަދު ސަލާހަށެވެ. އެކަމަކު ނާދިރު ހާލަތެއްގައި، އޭނާގެ ޕެނަލްޓީ ނާކާމިޔާބުވީއެވެ.
މިމޮޅާއެކު، ގަދަ ހަތަރެއްގެ ޖާގައެއް ހޯދަން ލިވަޕޫލަށް އުނދަގޫތައް ކުރިމަތިވެ, ބޯންމައުތު ވަނީ ރެލިގޭޝަން ޒޯނުން ކުރިއަށް ޖެހިލާފައެވެ. މޮޅާއެކު ބޯންމައުތު އޮތީ 24 ޕޮއިންޓާއެކު 16 ވަނާގައެވެ. ލިވަޕޫލް އޮތީ 42 ޕޮއިންޓާއެކު ފަސްވަނާގައެވެ.
