ކޮންމެ އަހަރެއްގެ ވެސް މާޗް މަހުގެ 8 ވަނަ ދުވަހަކީ ބައިނަލް އަގުވާމީ އަންހުނުނގެ ދުވަހުގެ ގޮތުގައި ދުނިޔޭގެ އެކި ކަންކޮޅުތަކުން އަންހެނުން ހޯދާ އިޖުތިމާއީ، އިގްތިސާދީ، ސަގާފީ އަދި ސިޔާސީ ކާމިޔާބީތައް ފާހަގަކުރުމުގެ ގޮތުން ފާހަގަކުރާ ދުވަހެކެވެ. އަދި ޖިންސުގެ ހަމަހަމަކަން، އަނގައިދިނުމާއި އެ ލަނޑުދަނޑިތައް ހާސިލްކުރުމަށް އެޅިދާނެ ފިޔަވަޅު އެޅުމަށް ގޮވާލުމުގެ މައްޗަށް ވެސް މި ދުވަސް އަލިއަޅުވާލާއިފައި ވެއެވެ. މިއަމާޒަށް ވާޞިލުވުމަށް ޙަރަކާތްތަކާއި، މަޝްވަރާތަކާއި، ހޭލުންތެރިކުރުމުގެ ކެމްޕެއިންތައް ވެސް މިދުވަހުގައި ދުނިޔޭގެ އެކި ކަންކޮޅު ތަކުގައި ބާއްވައެވެ.

އަންހެނުންގެ ދުވަހުގެ ތާރީޚް

ބައިނަލްއަޤްވާމީ އަންހެނުންގެ ދުވަހަސް ފާހަގަކުރަން ފެށީ 1900 ގެ އަހަރުތަކުގެ ކުރީކޮޅުގައެވެ. އަންހެނުންގެ ދުވަސް އެންމެ ފުރަތަމަ ވުޖޫދަށް އައީ 1909 ވަނަ އަހަރުއެވެ. އަދި އެ ދުވަހަކީ ޤައުމީ އަންހެނުންގެ ދުވަހުގެ ނަމުން މަޝްހޫރުވި ދުވަހެކެވެ. މި ދުވަސް އެންމެ ފުރަތަމަ ފާހަގަކުރަން ފެށީ 1909 ވަނަ އަހަރުގެ ފެބްރުއަރީ މަހުގެ 28 ވަނަ ދުވަހު ނިއުޔޯކް ސިޓީގައިއިއެވެ. މި ދުވަހުގައި 15،000 އަންހެނުން އަޑު އުފުލަމުން ހިނގާލުމެއް ބާއްވައިފައިއެވެ. މި ހިނގާލުމުގައި ގޮވައިލައިފައިވަނީ މަސައްކަތުގެ ގަޑި ކުރު ކުރުމާއި، ރަނގަޅު މުސާރައާއި ވޯޓުލުމުގެ ހައްގު ހޯދުމަށް އެދިއެވެ.

1910 ވަނަ އަހަރު، ދެވަނަ އިންޓަރނޭޝަނަލް ކޮންފަރެންސް އޮފް ވޯކިންގ ވިމެން، ޑެންމާކުގެ ކޯޕަންހޭގަންގައި ބޭއްވުނުއިރު، ޖަރުމަނުގެ ސޯޝަލް ޑިމޮކްރެޓިކް ޕާޓީގެ އަންހެނުންގެ އޮފީހުގެ އެންމެ އިސްވެރިއަކަށް ހުންނެވި ކްލާރާ ޒެޓްކިން، ބައިނަލްއަޤްވާމީ އަންހެނުންގެ ދުވަހުގެ ޚިޔާލު ހުށަހަޅުއްވައި، 1911 ވަނަ އަހަރުގެ މާރޗް މަހުގެ ނުވަވަނަ ދުވަހު، ހަތަރު ގައުމަކަށް ވަނީ މި ޝަރަފު އަރުވައިފައިއެވެ. އެހަތަރު ގައުމަކީ އޮސްޓްރިއާ، ޑެންމާކް، ޖަރުމަނު އަދި ސްވިޒަލޭންޑެވެ.

ބައިނަލްއަގްވާމީ އަންހެނުންގެ ދުވަސް ފާހަގަކުރަން އދ އިން ފެށީ 197 ވަނަ އަހަރު އެވެ. އަދި 1977 ވަނަ އަހަރު ރަސްމީކޮށް އެއްބަސްވީ ކޮންމެ އަހަރެއްގެ ވެސް މާޗް މަހުގެ 8 ވަނަ ދުވަހު އެ ދުވަސް ވަރަށް ފުޅާ ދާއިރާއެއްގައި ފާހަގަ ކުރާނެ ކަމަށެވެ.

ބައިނަލްއަޤްވާމީ އަންހެނުންގެ ދުވަހުގެ މުހިންމުކަން

އަޅުގަނޑުމެންގެ މުޖުތަމަޢުތަކުގައި ޖިންސީ ހަމަހަމަކަމާއި ތަފާތުކުރުންތައް ވަރަށް ބޮޑަށް ފެތުރެމުންދާއިރު، ގިނަ ފަހަރަށް އެކަމުގެ ޝިކާރައަކަށް ވަނީ އަންހެނުންނެވެ. މިޖިންސީ ތަފާތުކުރުންތަކާ ދެކޮޅަށް މަސައްކަތްކުރުމަށާއި، ޖިންސީ ހަމަހަމަކަމާއި، ދަރިމައިވުމުގެ ޙައްޤުތަކާއި، އަންހެނުންނަށް ކުރާ އަނިޔާ ފަދަ ކަންކަމަށް ސަމާލުކަން ދިނުމުގެ ގޮތުން ބައިނަލްއަޤްވާމީ އަންހެނުންގެ ދުވަސް ފާހަގަކުރެއެވެ. މިއީ ހޭލުންތެރިކަން އިތުރުކޮށް މުޖުތަމައުއަށް އަންނަ ބަދަލުތައް ގެނައުމަށް ކޮންމެ އަހަރަކުވެސް ބާއްވަ މުހިންމު ހަރަކާތަކެވެ.

މިހާ ހިސާބައް އައި އިރުގައި މިދުވަސް މިހާރު ވަރަށް ކުލަ ގަދަކޮށް ފާހަގަ ކުރެއެވެ. މިވީ ދިގު މުއްދަތު ފާއިތުވި އިރުގައި އަންހެނުންގެ ދުވަސް ފާހަގަ ކުރުމަށް ޒަމާނީ ގޮތުން ވަނީ ބޮޑެތި ބަދަލުތަށް އައިސްފައިއެވެ. އިންގިލާބީ މި ބަދަލާއި އެކުގައި 2023 ގައި އަންހެނުން ގެ ދުވަަސް ފާހަގަ ކުރުމުގެ ގޮތުން އެމީހުންގެ ދިރިއުޅުން ހިއްސާ ކުރާ ފިރިހެނުން ބޮޑު ދައުރެއް އަދާ ކުރެއެވެ. އެގޮތުން ރޭގަނޑުގެ ކެއުމަށް  ފޭވަރިޓް ރެސްޓޯރަންޓަށް ގެންދިއުމާއި،  ހަދިޔާ ދިނުމާއި ، ފޭވަރިޓް ފިލްމުތައް ބެލުން ފަދަ ކަންކަން ކުރެއެވެ. ކޮންމެ ދުވަހަކީވެސް އަންހެނުންގެ ދުވަހަކަށް ވާންޖެހެއެވެ. އަދި ދިރިއުޅުމުގައި އަންހެނުންނަކީ އާދަޔާ ޚިލާފު ބައެއްކަން އިހުސާސް ކޮށްދިނުމަށް ހާއްސަ މުނާސަބަތެއް ބޭނުންވެގެން ނުވާނެ ކަން އަޅުގަނޑުމެން ހަދާން ކުރަން ޖެހެއެވެ.

ރާއްޖޭގައި އަންހެނުން ދުވަސް ފާހަގަ ކުރުން

މިއަހަރުގެ ބައިނަލްއަގުވާމީ އަންހެނުންގެ ދުވަހުގެ ޝިއާރަކީ، "އަންހެނުން ބާރުވެރިކުރުވުމާއި ހަމަހަމަކަން ގާއިމް" ކުރުމެވެ. މިދުވަސް މިއަހަރު ކުލަގަދަ ކޮށް ފާހަގަ ކުރުމުގެ ގޮތުން ޖުމުހޫރީ ޕާޓީއާއި އެމްޑީޕީން ވަނީ ޚާއްސަ ޖަލްސާއެއް ބޭއްވުމަށް ނިންމާފައެވެ.

މިގޮތުން މިއަދު ހަވީރު 4:00 ގައި އެންޑިޕީގެ މައި ހަރުގޭގައި މި ދުވަސް ފާހަގަ ކުރުމުގެ ގޮތުން އެޕާޓީގެ އަންހެނުންގެ ގޮފީގެ ފަރާތުން ޖަލްސާއެއް ބޭއްވުމަށް ވަނީ ހަމަޖެހިފައެވެ. އަދި ޖުމުހުރީ ޕާޓީގެ ޑެޕިއުޓި ލީޑަރު އައިޝަތު ނަހުލާގެ އިސް ނެންގެވުމާއެކު އެޕާޓީގެ ފާރާތުންވެސް މިދުވަސް ފާހަގަކުރުމަށް ޚާއްސަ ޖަލްސާއެއް ބޭއްވުމަށް ވަނީ ހަމަޖެހިފައެވެ.

ބައިނަލްއަގުވާމީ އަންހެނުންގެ ދުވަސް ރާއްޖޭގައިވެސް މިއަދު ކުލަގަދަކޮށް ފާހަގަ ކުރެވިގެންދާއިރު، ދިވެހިރާޖެ ފާހަގަ ކުރެވިގެންދަނީ އަންހެނުންގެ ހައްގުތަ ރައްކާތެރިކޮށް ދެމެހެއްޓުމުގައި ދުނިޔޭގެ އެހެން ބައެއް ގައުމުތަކާ އަޅާ ބަލާއިރު، ހާލަތު ރަގަޅު ގައުމެއްގެ ގޮތުގައި ނަމަވެސް، ރާއްޖެގެ ފާހަގަވެގެން ދަނީ ސިޔާސީ ދާއިރާއާއި އަދި ސަރުކާރުގެ އިސް މަގާމްތަކުގައި އަންހެނުންގެ ދައުރު ކުޑަ ގައުމެއްގެ ގޮތުގައެވެ.

އެހެންނަމަވެސް، ލާމަރުކަޒީ ގާނޫނަށް އިސްލާހު ގެނެސް، ރައީސް އިބުރާހިމް މުހައްމަދު ސާލިހުގެ ސަރުކާރުންވަނީ، ލޯކަލް ކައުންސިލްތަކުގައި އަންނެހުންނަށް ގޮނޑިތައް ޚާއްސަ ކުރުމުގެ އިތުރުން، އަންހެނުންގެ ކޮމިޓީތައްވެސް އިންތިޚާބު ކުރާގޮތަށް ހަމަޖައްސާފައެވެ. މިހާރުގެ ރައްޔިތުންގެ މަޖިލީހަށް ބަލާއިރު، 19ވަނަ މަޖިލިހުގައި ތިއްބަވަނީ އެންމެ 3 އަންހެން މެމްބަރުންކަން ފާހަގަ ކޮށްލެވެއެވެ.