ރިޔާސީ އިންތިޚާބާއި ގުޅޭގޮތު އެމްޑީޕީގެ ފުރަތަމަ ރައީސް އަދި މިނިސްޓަރ ފައްޔާޒު އިސްމާއިލްގެ ބޭބެ އިބްރާހިމް އިސްމާއިލް ފާޅުކުރެއްވި ޚިޔާލަކަށް އެމްޑީޕީގެ ޗެއާޕާސަން އަދި އިބްރާގެ ކޮއްކޮ ފައްޔާޒު އިސްމާއިލް ރައްދު ދެއްވައިފިއެވެ.
ކުރީގެ ބަންޑާރަ ނައިބް ކަން ކުރައްވާފައިވާ މުއިއްޒު އަދުނާން ކުރެއްވި ޓުވީީޓަކާއި ގުޅިގެން އިބްރާ ވަނީ އޭނާގެ ޚިޔާލް އަދި އެކަމުގައި ދެކޭ ގޮތް ހާމަ ކުރައްވާފައެވެ. މުއިއްޒު ވިދާޅުވީ މެމްބަރުން ގިނަޔަސް، އެމް.ޑީ.ޕީ. އަކީ ވަރަށް ނިކަމެތި ޕާޓީއެއް ކަމަށެވެ. އޭގެ ސަބަބެއްގެ ގޮތުގައި އޭނާ ވިދާޅުވީ ރިޔާސީ އިންތިޚާބުގައި އެކަނި ނިކުމެ އިންތިޚާބު ކާމިޔާބު ނުކުރެވޭނެކަމަށް ގަބޫލުކޮށް ކުދި ޕާޓީތަކާއި ކޯލިޝަން ހެދުމަށް އެމްޑީޕީން މަސައްކަތް ކުރަނުންދާކަމަށެވެ. އަދި މިކަމުގައި އިސް ނަންގަވައިގެން އުޅުއްވަނީ އެމްޑީޕީގެ އިސް ލީޑަރުކަމަށް އޭނާ ވިދާޅުވިއެވެ.
އެހެންވީމަތާ، އެކަނި ނުކުމެ ރިޔާސީ އިންތިޚާބު، ފުރަތަމަ ބުރުން ކާމިޔާބު ނުކުރެވޭނެކަން ޤަބޫލުކޮށް، ކާމިޔާބުކޮށް ދެވޭނެ ފަދަ އާރާއި ބާރުހުރި ޕާޓީތަކާ ކޮއެލިޝަން ހަދަން ޕާޓީގެ ލީޑަރުން އަވަސްއަރުވާލައިގެން އެއުޅެނީ.
– މުއިއްޒު އަދުނާން ވިދާޅުވިއެވެ.
މުއިއްޒުގެ ވާހަތަކާއި ގުޅިގެން އިބްރާ ކުރެއްވި ކުރެއްވި ޓުވީޓުގައި ވިދާޅުވީ ރިޔާސީ އިންތިޚާބުގެ ފުރަތަމަ ބުރުންވެސް އަދި ދެވަނަ ބުރުންވެސް ނުވާނެކަމަށް އެމްޑީޕީގެ އެންމެ އިސްލީޑަރު ވިދާޅުވާކަމަށެވެ. މިހެން ވިދާޅުވަނީ ރިޔާސީ އިިންތިޚާބު ދެވަނަ ބުރުން ކާމިޔާބު ކުރާނެ އެހެން ޕާޓީއެއް އޮތުުންކަމަށް އިބްރާ ވިދާޅުވިއެވެ.
ފުރަތަމަ ބުރެއްނޫން. ދެވަނަ ބުރުންވެސް ނުވާނެކަމަށް ޕާޓީގެ އިސް ލީޑަރ އެވިދާޅުވަނީ. އެހެންކަމަށް ވާނަމަ، ދެވަނަބުރުން ކާމިޔާބު ކުރެވޭވަރުގެ އެހެން ޕާޓީއެއް އޮތީ ނޫންތޯ؟
– އިބްރާ ވިދާޅުވިއެވެ.
ފުރަތަމަ ބުރެއްނޫން. ދެވަނަ ބުރުންވެސް ނުވާނެކަމަށް ޕާޓީގެ އިސް ލީޑަރ އެވިދާޅުވަނީ.
އެހެންކަމަށް ވާނަމަ، ދެވަނަބުރުން ކާމިޔާބު ކުރެވޭވަރުގެ އެހެން ޕާޓީއެއް އޮތީ ނޫންތޯ?— Maverick Ibra (@ibramandhu) February 25, 2023
އިބްރާގެ ވާހަތަކަށް ރައްދު ދެއްވައި އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވީ ދުވަސްވެފައި ހުރުމުން ވިސްނުން ކޮށިވީ ނޫނީ، ހިތުގައިި އޮތް ނަފްރަތު މާބޮޑުވީކަމަށެވެ.
ދުވަސްވެފަ ހުރުމުން ވިސްނުން ކޮށީ. ނޫނީ ހިތުގައި އޮތް ނަފްރަތުު މާބޮޑު.
– ފައްޔާޒު އިބްރާއަށް ރައްދު ދެމުން ވިދާޅުވިއެވެ.
dhuvas vefa thihnan adhi visnun koshee. noonee hithuga oiy nafrathu maa bodee https://t.co/NO1zM7V2xz
— Fayyaz Ismail (@faya_i) February 25, 2023
އަންނަ ރިޔާސީ އިންތިޚާބު އެއްބުރުން ކާމިޔާބު ކުރާނެކަމަށް ރައީސް ޞާލިހު ވަނީ ވިދާޅުވެފައެވެ. އެމްޑީޕީން އެއްބުރުން އިންތިޚާބު ކާމިޔާބު ކުރުމަށްޓަކައި ގިނަ ޕާޓީތަކަކާއި އެކު ކޯލިޝަން ހެދުމަށް ދަނީ މަސައްކަތް ކުރަނުންނެވެ. އެގޮތުން އަދާލަތު ޕާޓީއާއި، އެމްޑީއޭއާއި އެކު ވަނީ ކޯލިޝަން ހަދާފައެވެ.
One Response
ބޭބެއަކީ ލިބަރަލް އަދި ސެކިޔުލަރ މީހެކެވެ. ވީމާ އަދާލަތާއި ކޯލިސަން ހެދުމުން އެއުޅެނީ ހަޖަމް ނުކުރެވިގެންނެވެ. އަންނީ އަކީވެސް ހަމަ އެފިކުރުގެ މީހެކެވެ. އަދި ހަސަދަބައިވެސް މިދެމީހުންގެވެސް އޮންނާނެއެވެ. އެހެނީ އެމީހުން ދެކޭ ގޮތުގައި އެމްޑީޕީ އަކީ އަދިވެސް މިމީހުންގެ އެއްޗެކެވެ.