ބޮލީވުޑްގެ ތަރި ޝާހިދު ކަޕޫރްގެ ފުރަތަމަ ސީރީޒް "ފަރްޒީ" ސްޓްރީމް ކުރަން ފަށާފައިވާއިރު މި ވެބް ސީރީޒް އަށް ލިބެމުން އަންނީ ބޮޑު ތަރުހީބެއް ކަމަށް ބުނެފިއެވެ.
ދުނިޔޭގެ ގިނަ ގައުމުތަކަކުން މި ފިލްމަށް ބޮޑު ތަރުހީބެއް ލިބެމުން އަންނަ އިރުގައި މި ވެބް ސީރީޒް ގެެނެސްދެނީ އެމެޒޯން ޕްރައިމް ވީޑިއޯ އިންނެވެ. މި ވެބް ސީރީޒް އަކީ ތުރިލާ އެކެވެ. މީގައި ކިޔައިދޭނީ އާދައިގެ ކުރެހުންތެރިޔަކު ކުށުގެ ވެއްޓަށް ހުށަހެޅި އެކަމުގެ ތެރޭގައި އޭނާއަށް ކުރިމަތިލާން ޖެހޭ ކަންކަމެވެ.
މީގެ ލީޑުން ޝާހިދު ކަޕުރު ފެނިގެންދާއިރުގައި ފިލްމްގެ މުހިންމު ރޯލަކުން ސައުތުގެ މަޝްހުރޫ އެކްޓަރު ވިޖޭ ސެތުޕަތީވެސް ފެނިގެންދާނެއެވެ. އިތުރު ކާސްޓަށް ބަލާއިރުގައި އިތުރު ސައުތުގެ ތަރިއެއް ކަމުގައިވާ ރަޝްމީކާ ކަންނާއާއި ކޭކޭ މެނަން، ރެޖީނާ ކެސަންޑްރާ، ޒާކިރު ހުސައިން، ބޫވަން އަރޯރާ، ކުބްރާ ސައިތު އަދި ކުރީގެ އެކްޓަރު އަމޯލް ޕަލޭކަރް ހިމެނެ އެވެ.
"ފަރްޒީ" އަކީ އެމެޒޯން ޕްރައިމަށް އެކްޓަރު މަނޯޖް ބަޖްޕާއީއާ އެކީ "ދަ ފެމިލީ މޭން" ގެ ދެ ސީޒަން ގެނެސްދިނުމަށް ފަހު، އެއަށް މިހާރު ވަރުން ދަވަނާ އެކީ "ސިޓަޑެލް އިންޑިއާ" ހަދަން ތައްޔާރީތައް ވަމުން އަންނަ ދެ ޑައިރެކްޓަރުން ކަމަށްވާ ރާޖް އެންޑް ޑީކޭ ޑައިރެކްޓްކޮށްފައިވާ އެއްޗެކެވެ.
