"ގްރީން ޕާޓީ އޮފް މޯލްޑިވްސް" (ޖީޕީއެމް) ނަމުގައި ސިޔާސީ ޕާޓީއެއް އުފެއްދަން ކާށިދޫ ދާއިރާގެ މެމްބަރު އަބްދުﷲ ޖާބިރަށް އިލެކްޝަން ކޮމިޝަން (އީސީ)ން ހުއްދަ ދީފިއެެވެ.
އީސީން ބުނީ،"ގްރީން ޕާޓީ އޮފް މޯލްޑިވްސް"ގެ ނަމުގައި ޕާޓީއެއް އުފައްދަން ޖާބިރަށް ހުއްދަ ދީފައިވާ ކަމަށެވެ.
މަޖިލީހުގައި ދައްކަވަމުން ޖާބިރު ވިދާޅުވީ އިލެކްޝަންސް ކޮމިޝަނުން އޭނާއަށް ޕާޓީއެއް ހެދުމުގެ ހުއްދަ ދީފައިވާކަމަށެވެ. އަދި ޕާޓީ އުފެއްދުމަށް ކުރާ މަސައްކަތުގައި ވީހާވެސް ގިނަ ރައްޔިތުންގެ ބައިވެރިވުން ލިބިގެންދާނެ ކަމުގެ އުންމީދު އޮތްކަމަށް އޭނާ ވިދާޅުވިއެވެ. މިޕާޓީއަކީ ތިމާވެއްޓާއި ރައްޓިހި ގޮތަކަށް ރައްޖޭގެ މާހައުލާއި ގުޅޭގޮތަށް އުފައްދާ ޕާޓީއެއްކަމަށް ޖާބިރު ވަނީ ވިދާޅުވެފައެވެ.
"ގްރީން ޕާޓީ އޮފް މޯލްޑިވްސް"ގެ ނަމުގައި ޕާޓީއެއް އުފެއްދުމަށް ހ.ތިމާވެށި އަބްދު ﷲ ޖާބިރަށް ހުއްދަދިނުމަށް ބޭއްވި ރަސްމިއްޔާތުގެ ތެރެއިން. @chairmanjabir @FuwadThowfeek @IsmailHabeeb @ANashath @Mohamed25588073 @HassanZakariyya pic.twitter.com/ATqi0mOdBM
— Elections Commission (@ElectionsMv) February 13, 2023
މި ޕާޓީ އުފެދުމާއެކު ޒުވާނުންނަށް ހާއްސަ ކަމެއް ދެއްވާނެ ކަމަށާއި ޕާޓީގެ މަޤްސަދަކީ މުޅި ރާއްޖެ ގްރީން ކުރުން ކަމަށް ޖާބިރު ވިދާޅުވިއެވެ. ޖާބިރު ލީޑަރުކަން ކުރާ ޑީއާރްޕީގެ މެންބަރުން ހަމަނުވެގެން އެޕާޓީ އުވާލަން އިލެކްޝަންސް ކޮމިޝަނުން މިހާރު ވަނީ ނިންމާފައެވެ.
ޑީއާރުޕީގެ މައްސަލަ ކޯޓުގައި އޮތުމުން ވަގުތު ބޭކާރުކޮށްނުލުމަށް ޑީއާރުޕީއިން ޖާބިރު ވަނީ ވަކިވެފައެވެ. އެކަން އީސީއަށްވެސް އޭނާ ވަނީ އަންގާފައެވެ.
