ޖުޑީޝަލް ސާވިސް ކޮމިޝަން (ޖޭއެސްސީ) އިން ފަނޑިޔާރުންގެ ސުލޫކީ މައްސަލަތައް ބަލަމުންދާ ގޮތާއިމެދު ހިންހަމަޖެހިވަޑައި ނުގެން، ސުޕްރިމް ކޯޓުގެ ފަނޑިޔާރު، އަދި ފަނޑިޔާރުންގެ ޖަމިއްޔާގެ ރައީސް ހުސްނުއްސުއޫދު ޖޭއެސްސީއަށް ފާޑު ވިދާޅުވެއްޖެއެވެ.
ސުއޫދު ޖޭއެސްސީއަށް ފާޑު ވިދާޅުވީ ފަނޑިޔާރުންގެ ޖަމްއިއްޔާގެ އަހަރީ ބައްދަލުވުން ނިންމުމަށް ބޭއްވި ޖަލްސާގައި ވާހަކަދައްކަވަމުންނެވެ. މި ޖަލްސާގައި ވާހަކަ ދައްކަވަމުން ސުއޫދު ވިދާޅުވީ، ފަނޑިޔާރުންނާއި ގުޅުންހުރި ސުލޫކީ މައްސަލަތައް ޖޭއެސްސީން ތަހުގީގު ކުރަމުންދާއިރު، ތަހުގީގުކުރާ ފަރާތްތައް ތަބާ ވާންޖެހޭ ސުލޫކީ މިންގަނޑެއް އޮންނަން ޖެހޭނެ ކަމުގައެވެ.
ސުއޫދު ތުހުމަތު ކުރައްވާފައިވާ ގޮތުގައި، ފަނޑިޔާރުންގެ ސުލޫކީ މައްސަލަތައް ބެއްލެވުމަށް ޖޭއެސްސީން ކުރިޔަށް ގެންދާ ތަހުގީގުތަކުގައި، މައްސަލަތަކާއި ގުޅުން ނެތް ސުވާލުތައް ބައެއް ފަހަރަށް ތަހުގީގުކުރާ ފަރާތްތަކުން ދަނީ ކުރިމަތި ކުރުވަމުންނެވެ.
ދާދި ފަހަކުން ވެސް ބަޔަކު ގެނެސްފައި ފަނޑިޔާރުގެ މުވައްޒަފުން ކައިރީ މި އަހަނީ، ފަނޑިޔާރުންގެ ކެއިއިރުގައި ބާކީވި އެތިކޮޅެއް ކަލޭމެންނަށް ނުދެނީހޭ، މިހެނެއް ނޭހޭނެ، ކަލޭމެންނަށް ބާކީވި އެތިކޮޅު ވެސް ނުދީހޭ ކާލީ، އެ ދުވަހު ކީއްވެހޭ ކުކުޅު ނުގެނައީ، ކީއްވެހޭ ބީފް ނުގެނައީ.
ގއ.ވޮޑަމުއްލާ މައްސަލާގައި އިދިކޮޅު ޕީޕީއެމްގެ ލީޑަރު ޔާމީނުގެ މައްޗަށް ކުރިމިނަލް ކޯޓުން އިއްވި ފަސް އަހަރުގެ ޖަލު ހުކުމުގެ އިސްތިއުނާފީ މަރުހަލާ ސުޕްރީމް ކޯޓުން ނިންމި ދުވަހު، ފަނޑިޔާރުންގެ ފަރިއްކޮޅު ފަނޑިޔާރު މަހާޒު ހަމަޖެއްސެވި މައްސަލަ ސުލޫކީ މައްސަލައެއްގެ ގޮތުގައި ޖޭއެސްސީން ބަލަމުން ދާދިއުމުގައި ކަން ހިނގާފައިވާ ގޮތަށް އިޝާރާތް ކުރައްވަމުން ސުއޫދު ވިދާޅުވެފައި ވެއެވެ.
ސުއޫދު ވިދާޅުވެފައިވަނީ، ޖޭއެސްސީން ހިންގަމުންދާ ތަހުގީގުތަކުގައި މިއުސޫލުން ކުރާ ސުވާލުތަކަކީ ފަނޑިޔާރުންނަށް ޖެއްސުން ކުރުމުގެ ގޮތުން ކުރިމަތި ކުރުވާ ސުވާލުތަކެއް ކަމުގައެވެ.
މިއީ ޖެއްސުމަށް ކުރާ ސުވާލުތަކެށް، އަޅުގަނޑުމެންނަށް ޖެއްސުންކުރުމުގެ ނިޔަތުގައި، މާލާމާތް ކުރާ ރާގަށް، ފުރައްސާރަކުރާ ގޮތަށް ސުވާލުކޮށްގެން ނުވާނެ.
ޖޭއެސްސީން ކުރިޔަށް ގެންދާ ތަހުގީގުތަކަށް ފާޑި ވިދާޅުވަމުން ސުއޫދު ވިދާޅުވެފައި ވެއެވެ.
ސުއޫދު ވިދާޅުވީ، ޝަރުއީ ގޮތުން ބެއްލެވުމަށްފަހު ފަނޑިޔާރަކު ނިންމަވާ ނިންމެވުމަކާއި ގުޅިގެން އެ ފަނޑިޔާރެއްގެ ސުލޫކީ މައްސަލައެއް ބެލިގެން ނުވާނެ ކަމުގައެވެ. އަދި އޭނާ ވިދާޅުވީ ސުލޫކީ މައްސަލަތައް ބެލުމަކީ ސިޔާސީ ކަމަކަށް ނަހަދާ، އެމައްސަލަތައްވެސް ބަލަންޖެހޭ ވަކި އުސޫލުތަކެއް އޮންނާން ޖެހޭނެއެވެ.
One Response
ދެން ފެންނާނީ ސުއޫދު ސުޕުރިންކޯޓުން ބޭރުކޮށްލާތަން، މިސަރުކާރު ކުރާ ހުރިހާ ސައިތާނީ ހައިވާނީ ޣައިރުގާނޫނީކަންތައް ބަލައިނުގަންނަންޏާ އެވެސް ފަނޑިޔާރަކަށް އެއްވެސް ކޯޓެއްގާ ނުތިބެވޭނެ، އެޅިހާބަތަކަށް ރިހަހެދިގެން މިސަރުކާރުގެ ކޮންމެ މުއައްސަސާއަކުންވެސް ތިބެން ޖެހޭނީ، އެއިއްޔޯ އޯގާތެރި ވެރިންގެ އޯގާތެރިކަން ލިބޭނެ ފޯމިއުލާއަކީ، މިހާރު މި ހުންނެވީ ގައުމުހިންގުމާ އިންތިޚާބުތައް ކާމިޔާބުކުރުމުގެ ފޯމިއުލާ ވަރަށްގިނަ ވައްތަރު ގެންގުޅުއްވާ ރައީސެއް،، އެ ފޯމިއުލާތައް އަނެއްކާ އެކިކަންކަމަށް ދެވިހިފާ ވައްތަރުގެ ފޯމިއުލާ ވެސް އުފައްދާނެ،
ހޮނިހިރުދުވަހުވެސް އެބާވަތުގެ ފޯމިއުލާެއް ތައާރަފުކޮށްދީފި ކަމަށް އެބަވޭ، ދެންރަނގަޅުތާދޯ، ފޯމިއުލާއުފައްދަން ނޭގެންޏާ އެހެންްމީހުން އަތުގާ ފޯމިއުލާއެއް ނޯންނާނެތާދޯ.