މަޝްހޫރު ކޮމޭޑިއަން ކަޕިލް ޝަރުމާ އާއި އެފަދަ ދެވަނަ އެއް ނެތް އިންޑިއާގެ މަޝްހޫރު ލަވަކިއުންތެރިއާ ގުރޫ ރާންޑަވާ އެކުގައި މިއުޒިކް ލަވައެއް ނެރެން ތައްޔާރުވެއްޖެއެވެ.
މީ ކަޕިލް ޝަރުމާ އާއި ގުރޫ އެކުގައި ކިޔައިފައިވާ ލަވައެކެވެ. "އެލޯން" އަކީ ކަޕިލް ލަވަކިއުމުގެ ދާއިރާ އަށް ނުކުންނަ ލަވައެވެ. މި ލަވަ ބެލުންތެރިންނަށ ްދޫކޮށްލަނި ވީޑިއޯ އާއި ވެސް އެކުގައިއެވެ.
ކަޕިލް ވަނީ އޭނާގެ ސޯޝަލް މީޑިއާގައި މިކަން އިއުލާން ކޮށްފައިއެވެ. މި މަހުގެ 9 ވަނަ ދުވަހުގައި ބެލުންތެރިންނަށް ދޫކޮށްލާ މި ލަވައިގެ ޕޯސްޓަރުގައި ކަޕިލް އަދި ގުރޫވެސް ފެނިގެންދަނި ވަރަށް ތަފާތު ގޮތަކަށެވެ.
View this post on Instagram
ކަޕިލް އަކީ އިންޑިއާގެ އެންމެ މަގުބޫލު އެއް ކޮމޭޑިއަންއެވެ. އެގޮތުން އޭނާގެ ޝޯވ "ދަ ކަޕިލް ޝަރުމާ ޝޯވ" އަކީ އިންޑިއާގެ ނަންބަރު ވަން ކޮމެޑީ ޝޯވއެވެ. އަނެއް ކޮޅުން ގުރޫއަކީ މަގުބޫލު ލަވަތަކެއް ކިޔައިފައިވާ ފަންނާނެކެވެ.
އެންމެ ފަހުން ގުރޫ ފެނިގެންދިއައި ޝެހެނާޒް ގިލް އާއު އެކުގައި "މޫން ރެއިޒް" ކިޔާ ލަވައަކުންނެވެ. ގުރޫ ވަނީ މިފަހުން މަޝްހޫރު ނެށުން ތެރިއާ ނޯރާ ފަތޭހީ އާއި އެކުގައި ވެސް ލަވަ އަކުން ފެނިގެން ގޮސްފައިއެވެ. އެލަވަ އަކީ ބެލުންތެރިންގެ މެދުގައި ވަރަށ ްމަގުބޫލު ވެގެން ދިއަ ލަވައެއް ކަމުގައިވާ "ނާޗް މެރި ރާނީ"އެވެ.
