އެމްޓީސީސީން ވިލިމާލޭގައި ދޭން ފަށާފައިވާ ބަސް ދަތުރުތަކަށް 5 ރުފިޔާ ނަގާގޮތަށް އެ ކުންފުނިން ހަމަ ޖައްސައިފިއެވެ. ބަހުގެ ޚިދުމަތަށް އަގު ނަގަން ފެށުމަށް ހަމަޖެހިފައިވަނީ މާދަމާއިން ފެށިގެންނެވެ.

ރާއްޖެ ޓްރާންސްޕޯޓް ލިންކް (އާރްޓީއެލް)ގެ ދަށުން ވިލިމާލޭގައި ދެމުންގެންދާ އީ.ވީ ބަހުގެ ޚިދުމަތަކީ 24 ގަޑިއިރު ޚިދުމަތް ފޯރުކޮށްދޭ ގޮތަށް ދެމުން އަންނަ ޚިދުމަތެކެވެ. އެމްޓީސީސީން ހަމަޖައްސާފައިވަނީ މި ޚިދުމަތް ފުރަތަމަ 2 ހަފްތާގައި ހިލޭ ފޯރުކޮށް ދިނުމަށެވެ.

ފާއިތުވެދިޔަ ޖެނުއަރީމަހުގެ 20 ވަނަ ދުވަހު ވިލިމާލޭގެ ދޭންފެށި ބަހުގެ ޚިދުމަތަށް ފުރަތަމަ ހަފްތާގައިވެސް ބޮޑު ތަރުހީބެއް ވަނީ ލިބިފައެވެ. މިގޮތުން އާރުޓީއެލްއިން އާންމު ކުރި ހިސާބުތައް ދައްކާގޮތުގައި ވިލިމާލޭގައި މިނީ ބަހުގެ ޚިދުމަތް ފޯރުކޮށްދޭނެ ފެށިތާ އެންމެ 4 ދުވަހުގެ ތެރޭގައި 8،105 މީހުން ބަހުގައި ދަތުރު ކޮށްފައި ވެއެވެ.

ވިލިމާލެ ބަހުގެ ޚިދުމަތަށް އަގުނަގަން ފަށަން ހަމަޖެހިފައިވާކަން އިއުލާންކޮށް އެމްޓީސީސީން ނެރެފައިވާ ބަޔާނުގައި ބުނެފައިވަނީ ވިލިމާލޭ ބަހުގެ ޚިދުމަތަށް 3 ޒަރީޢާއަކުން ފައިސާދެއްކޭނެ އިންތިޒާމްވެސް ވަނީ ހަމަޖެހިފައި ވާކަމުގައެވެ.

އެއީ، އާރްޓީއެލް މޯބައިލް އެޕް ނުވަތަ ވެބްސައިޓް މެދުވެރިކޮށް ކިޔު.އާރް ޓިކެޓް ނަންގަވައިގެނާއި، ކޮންކްޓެކްޓްލެސް މާސްޓަރކާރޑް އަދި ވިސާ ޑެބިޓް ކާރޑް ނުވަތަ ކްރެޑިޓް ކާރޑް މެދުވެރިކޮށާއި އަދި ބަހުން ކަރުދާސް ޓިކެޓް ބައްލަވައިގަނެގެންނެވެ. ކަރުދާސް ޓިކެޓް ނެގުމަށް ހަމަޖެހިފައިވަނީ ބަހުގެ ތެރެއިންނެވެ.

ހަމަ އެފަދައިން، ޓަރމިނަލްތަކުން ބަހުގެ ޙިދުމަތުގަ ބޭނުންކުރާ ކަރުދާސް ޓިކެޓް ގަނެވޭނެ އިންތިޒާމް ހަމަޖެހިފައި ނުހުންނާނެކަންވެސް އެމްޓީސީސީން ބުނެފައި ވެއެވެ.

މިގޮތުން ގަންނަ ޓިކެޓުގެ ފައިސާ ލާނެ ޙާއްސަ ފޮއްޓެއް، ބަސްތެރޭގައި ބެހެއްޓިފައި ހުންނާނެ ކަމަށާއި، ބަސް ތެރޭގައި ފައިސާ މާރުކުރެވޭނެ އިންތިޒާމް ހަމަޖެހިފައި ނެތުމާއެކު، ހުރިހާ ބޭފުޅުންވެސް ސީދާ ޓިކެޓުގެ އަގު ހަމަވާނެހެން ފައިސާ ގެންނެވެމަށް އެމްޓީސީސީން އިލްތިމާސް ކޮށްފައި ވެއެވެ.

އެމްޓީސީސީން ބުނެފައިވަނީ ބަހުގައި ފައިސާ މާރުކުރެވެން ހަމަޖެހިފައި ނުވާ މައިގަނޑު ސަބަބަކީ ކަސްޓަމަރުންގެ ވަގުތު ސަލާމަތް ކުރުމަށާއި، ބަހުގެ ޝެޑިއުލަށް ބުރުލެއް އެރިޔަ ނުދިނުމުގެ ގޮތުން ކަމުގައެވެ. އަދި ކަރުދާސް ޓިކެޓް ގަނެވޭނެ އިންތިޒާމް ހަޖައްސާފައިވުމުގެ މައިގަނޑު މަޤްޞަދަކީ އިސް ރަށްވެހީންނަށް މި ޚިދުމަތް ބޭނުންކުރުމުގައި ފަސޭހަކޮށްދިނުމަށް ކަމަށްވެސް ބުނެފައި ވެއެވެ.

އެމްޓީސީސީގެ ބަޔާނުގައި ބުނެފައިވަނީ، ކިޔު.އާރް. ޓިކެޓް ގަންނަނާނެ ގޮތުގެ ވީޑިއޯ އެކުންފުނީގެ އާރް.ޓީ.އެލް ޔޫޓިއުބް ޗެނަލުންނާއި މީސް މީޑިއާގެ މަންސަތަކުގައި ޝާޢިޢު ކުރެވިފައި ހުންނާނެ ކަމުގައެވެ. އޭގެ އިތުރުން، އާރް.ޓީ.އެލް ޓްރެވަލް އެޕް އެޕަލް އެޕް ސްޓޯރުންނާއި ގޫގުލް ޕްލޭ ސްޓޯރުން ހިލޭ ޑައުންލޯޑް ކުރެވެން ހުންނާނެ ކަމަށްވެސް ބުނެފައި ވެއެވެ.

ކިޔު.އާރް. ޓިކެޓް ސްކޭން ކުރުމަށްޓަކައި ބަހަށް އެރުއްވުމަށްފަހު، ޓިކެޓް ވެލިޑޭޓްކުރުމަށް ކަނޑައެޅިފައިވާ މެޝިންއަށް ދިމާކުރުމަށްފަހު ސްކޭންކޮށްލައްވަން ޖެހޭނެއެވެ. މީގެ އިތުރުން، ދުނިޔޭގެ ކޮންމެ ބޭންކެއްގެވެސް ކޮންޓެކްޓްލެސް މާސްޓަރކާރޑް އަދި ވިސާ ބްރޭންޑުގެ ޑެބިޓް ނުވަތަ ކްރެޑިޓް ކާޑެއް އަތުގައި އޮވެއްޖެނަމަ އާރް.ޓީ.އެލް ވިލިމާލެ ބަހުގެ ޚިދުމަތު ގައިވެސް ޓެޕް އެންޑް ޕޭ މެތަޑުން ފައިސާ ދެއްކޭނެއެވެ.

އެމްޓީސީސީގެ ބަޔާނުގައި ބުނެފައި ވެއެވެ.

އޭގެ އިތުރުން މާސްޓަރކާރޑް އަދި ވިސާ ބްރޭންޑުގެ ކޮންޓެކްޓްލެސް ކާޑު މެދުވެރިކޮށް ޓިކެޓަށް ފައިސާ ދެއްކުމަށް ބޭނުންވާ ވެލިޑޭޓަރ ވިލިމާލޭގެ ހުރިހާ އާރް.ޓީ.އެލް ބަހެއްގައިވެސް ހަރުކޮށް، އޭގެ އިންތިޒާމްތައް ވަނީ ހަމަޖައްސާފައެވެ.

އާރް.ޓީ.އެލް ބަހުގެ ޚިދުމަތަށް ފައިސާ ދެއްކުމަށް އިސްވެ ދެންނެވުނު ބާވަތުގެ ކޮންޓެކްޓްލެސް ކާޑު، ބަހުގައި ހަރުކުރެވިފައިވާ ވެލިޑޭޓަރގެ ސްކޭނަރގައި ޓެޕްކޮށްލުމުން ނުވަތަ ޖައްސާލުމުން ވަގުތުން ފައިސާ ދެއްކޭނެއެވެ. ޓްރައިއަލް މުއްދަތަށްފަހު، ޓިކެޓް ނަންގަވައިގެން ދަތުރުކުރަން ފެށުނަސް، މި ޚިދުމަތް 65 އަހަރުން މަތީގެ މީހުންނަށާއި، 3 އަހަރުން ދަށުގެ ކުޑަކުދިންނަށް އައި.ޑީ. ކާޑު ދެއްކެވުމުން ހިލޭ ލިބިވަޑައިގަންނަވާނެއެވެ. ހަމައެހެންމެ ޚާއްސަ އެހީއަށް ބޭނުންވާ ފަރާތްތަކުން ނޭޝަނަލް ސޯޝަލް ޕްރޮޓެކްޝަން )އެންސްޕާ( އިން ދީފައިވާ ކާޑު ދެއްކުމުން ވެސް ހިލޭ ދަތުރު ކުރެވޭނެއެވެ. މީގެ އިތުރުން، ޔުނިފޯރމްގައި ތިބޭ ސްކޫލް ކުދިންނަށްވެސް ބަހުގައި ހިލޭ ދަތުރު ކުރެވޭނެއެވެ.

އެމްޓީސީސީން ހާމަ ކޮށްފައި ވެއެވެ.

އެމްޓީސީސީން ބުނެފައިވަނީ، އާރް.ޓީ.އެލް. ވިލިމާލޭ ބަހުގެ ރޫޓް މެޕް އާރް.ޓީ.އެލް. ވެބްސައިޓް އަދި ޓްރެވަލް އެޕް މެދުވެރިކޮށް ކަސްޓަމަރުންނަށް ބެލެން ހުންނާނެ ކަމުގައެވެ.

އެމްޓީސީސީންވަނީ އާރް.ޓީ.އެލް. ބަހުގެ ޙިދުމަތް ވިލިމާލޭގައި ފެށިގެން މިވޭތުވެދިޔަ ދެ ހަފުތާ ތެރޭގައި، ކަސްޓަމަރުންގެ ފަރާތުންނާއި ވިލިމާލޭގައި ދިރިއުޅުއްވާ ރައްޔިތުންގެ ފަރާތުން ލިބުނު ބޮޑު ތަރުޙީބާއި އެއްބާރުލެއްވުމަށް ޝުކުރު ދަންނަވާފައެވެ. އަދި ރާއްޖޭގައި ދަތުރުފަތުރުގެ ޚިދުމަތް ފޯރުކޮށްދޭ އެންމެ ބޮޑު ކުންފުނީގެ ހައިސިއްޔަތުން، އެކުންފުނީގެ މަޤްޞަދަކީ އެކަށީގެންވާ އަގެއްގައި ވީހާވެސް ލުއިފަސޭހަކަމާއެކު، ދަތުރުފަތުރުގެ ޚިދުމަތް ރައްޔިތުންނަށް ފޯރުކޮށްދިނުންމަތީ، ދެމިތިބުމަށްވެސް އެމްޓީސީސީން ބުނެފައި ވެއެވެ.