ކުރިޔަށް އޮތް އެމްޑީޕީގެ ރިޔާސީ ޕްރައީގެ ކެމްޕޭންގައި ހުވަދު އަތޮޅަށާއި ފުވައްމުލަކަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން ހުވަދޫ ކެމްޕޭން ދަތުރު މިއަދު ފެއްޓެވުމަށް ހަމަޖެހިއްޖެއެވެ.
މިގޮތުން ރައީސް ސާލިހުގެ "އެމްޑީޕީ ކުއިއަށް" ކެމްޕޭން ޓީމުން ހާމަ ކޮށްފައިވާ ގޮތުގައި، މިއަދު ރައީސް ސާލިހު، ހުވަދޫ އަތޮޅުގެ އެންމެ އާބާދީ ބޮޑު ދެރަށް ކަމުގައިވާ ގދ. ތިނަދޫއަށާއި ގއ. ވިލިގިއްޔަށް ވަޑައިގަންނަވާނެއެވެ.
ރައީސް ސާލިހުގެ ކެމްޕޭން ޓީމުން ހާމަ ކޮށްފައިވާ ގޮތުގައި ރައީސް ތިނަދުއަށް ވަޑައިގެން އެރަށުގެ އުތުރު އެމްޑީޕީގެ މެމްބަރުންނާއި އެރަށު ދެކުނު އެމްޑީޕީގެ މެމްބަރުންނާއި ބައްދަލު ކުރެއްވުމަށް ވަނީ ހަމަޖެހިފައެވެ. އަދި ގއ. ވިލިގިލީގައި ޚާއްސަ ޖަލްސާއެއް ބޭއްވުމުގެ އިތުރުން އެރަށުގެ އެމްޑީޕީގެ މެމްބަރުންނާ ބައްދަލު ކުރައްވާނެއެވެ.
ފާއިތުވެދިޔަ ހަފްތާގައި އުތުރަށް ކުރެއްވި ދަތުރުފުޅަށްފަހު ހަފްތާ ބަންދުގައި ރައީސް ސާލިހުވަނީ މާލޭގައި ބޭއްވު، ކެމްޕޭންގެ ބޮޑު ޖަލްސާއެއްގައި ބައިވެރިވެ ވަޑައިގެންފައެވެ. އަށްފަހު ރައީސް ފުވައްމުލަކަށް ފުރާވަޑައިގެންނެވީ އިއްޔެގެ ވަގުތެއްގައެވެ.
ފާއިތުވެދިޔަ ހަފްތާގައި ހއ، ހދ، ށ އަދި ލ އަތޮޅުގެ ރަށްތަކަށް ދަތުރު ކުރެއްވުމުގެ ކުރިން ރައީސް ސާލިހުވަނީ ރ. ބ. ޅ. ހއ. ހދ ށ. ނ. އަތޮޅުގެ އިތުރުން އައްޑޫ އަތޮޅަށްވެސް ވަޑައިގެންފައެވެ.
ރައިސް ސާލިހުއާއި ރިޔާސީ ޕްރައިމަރީގައި ވާދަ ކުރައްވަމުން ގެންދަވާ އެމްޑީޕީގެ ރައީސް ނަޝީދު މިހާރު ދަތުރު ކުރައްވަމުން ގެންދަވަނީ ހުވަދޫ އޮތޮޅުގެ ރަށްތަކަށެވެ.
ކޮމެންޓު ފޮނުވާ