ފުވައްލުކަމުން ރައީސަށް ހޫނު މަރުހަބާއެއް

މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގައި ކެމްޕޭން ކުރެއްވުމަށް ރައީސް ސާލިހު ޏ. ފުވައްމލަހަށް ވަޑައިގަތުމާއެކު، އެ ސިޓީން ރައީސަށް ހޫނު މަރުހަބާއެއް ކިޔައިފިއެވެ.

މިގޮތުން ރައީސް ސާލިހު ފުވައްމުލަކަށް ވަޑިގަތުމުން މަރުހަބާ ކިޔުމަށް ނާޒިބު ރައީސް ފައިސަލް ނަސީމު އެރަށަށް ވަޑައިގެން ހުންނެވިއިރު، މަރުހަބާ ދެންނެވުމަށް އެއަރޕޯޓު ސަރަހައްދަށް އެރަށުގެ ކުދިބޮޑު ގިނަ އަދަދެއްގެ ބަޔަކު ޖަމާ ވެފައިވެއެވެ.

ފުއަށްމުލަކު ސިޓީއަށް ވަޑައިގަތުމަށްފަހު ރައީސް ވަނީ އެ ސިޓީގެ ގިރަމުންދާ، އިރުއުތުރު ފަރާތް ހިމާޔަތް ކުރުމުގެ މަސައްކަތް ކުރިއަށްދާ ގޮތް ބައްލަވާ ލައްވާފައެވެ.

އަދި އޭގެ އިތުރުން އެ ސިޓީގައި ދިރިއުޅޭ އެމްޑީޕީގެ އާންމު މެމްބަރުންގެ އިތުރުން ކެމްޕޭން ޓީމުތަކާވެސް ރައީސް ބައްދަލު ކުރައްވާނެއެވެ.

ރޭއް މާލޭގައި ބޭއްވުނު "އެމްޑީޕީ ކުރިއަށް" ކެމްޕެއިން ޖަލްސާއަށްފަހު ހުވަދު އޮތޮޅާއި ފުވައްމުކަލަށް ކުރައްވާ ދަތުރުފުޅު ރައީސް ސާލިހު ފެއްޓެވީ މިއަދުއެވެ.

މި ދަތުރުފުޅުގައި އެންމެ ފުރަތަމަ ރައީސް ސާލިހު ވަޑައިގަތުމަށް ހަމަޖެހިފައިވަނީ ފުވައްމުލަކަށެވެ.

ރައީސް ސާލިހުގެ ކެމްޕޭން ދަތުރުފުޅުގައި ހުވަދޫ އަދި ފުވަށްމުލަށް ކެމްޕެއިން ދަތުރުފުޅު ފައްޓަވާފައިވާއިރު، ފާއިތުވެދިޔަ ހަފްތާގައި ހއ، ހދ، ށ އަދި ލ އަތޮޅުގެ ރަށްތަކަށް ކުރެއްވި ދަތުރުފުޅު ނިންމަވާލެއްވުމަށްފަހު، ރޭ މާލޭގައި ކެމްޕޭންގެ ބޮޑު ޖަލްސާއެއްވެސް ވަނީ ބާއްވާފައެވެ.

މާލެއިން ދެކުނުގެ އަތޮޅުތަކުގެ އިތުރުން ރައީސް ވަނީ މިމަހުގެ 13 އިން 15 އަށް އައްޑޫ ސިޓީގެ ރަށްތަކަށްވެސް ދަތުރުކޮށް ކެމްޕޭން ކުރައްވާފައެވެ.

މިމަހުގެ 28ގައި ބޭއްވުމަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމަށް ރައީސް އުތުރުގެ ރަށްތަކަށް ކުރެއްވި މި ދަތުރުފުޅުގައިވަނީ ތަރައްގީގެ ބައެއް މަޝްރޫއުތައްވެސް އިފްތިތާހު ކޮށްދެއްވާފައެވެ. އޭގެތެރޭގައި ހަނިމާދޫ އިންޓަރނޭޝަނަލް އެއަރޕޯޓުގެ އަމަލީ މަސައްކަތް ފައްޓަވާ ދެއްވުންވެސް ހިމެނެއެވެ.

ކެމްޕޭން ދަތުރުފުޅު ނިންމަވާލެއްވުމަށްފަހު ރައީސް ސާލިހު އިއްޔެ މާލެ ވަޑައިގެންނެވުމަށްފަހު، ރޭ މާލޭ އާރޓިފިޝަލް ބީޗް ސަރަހައްދުގައި ބޭއްވި ޖަލްސާއަށް އެމްޑީޕީގެ އެތައް ސަތޭކަ މެމްބަރުންނެއްވަނީ ހާޒިރުވެފައެވެ. ރޭ ބޭއްވުނު ކެމްޕޭންގެ ބޮޑު ޖަލްސާއަށް އަތޮޅުތަކުގެ ބައެއް ރަށްތަކުންވެސް ވަނީ މީހުން މާލެ އައިސްފައެވެ.

ކެމްޕެންގައި ރައީސް ސާލިހު މީގެ ކުރިންވަނީ ރ. ބ. ޅ. ހއ. ހދ ށ. ނ. އަތޮޅަށްވެސް ޒިޔާރަތް ކުރައްވާފައެވެ.

ރައިސް ސާލިހުއާއި ރިޔާސީ ޕްރައިމަރީގައި ވާދަ ކުރައްވަމުން ގެންދަވާ އެމްޑީޕީގެ ރައީސް ނަޝީދު މިހާރު ދަތުރު ކުރައްވަމުން ގެންދަވަނީ ހުވަދޫ އޮތޮޅުގެ ރަށްތަކަށެވެ.