މިރޭ އާރޓިފިޝަލް ބީޗު ސަރަަހައްދުގައި ބޭއްވުމަށް ހަމަޖެހިފައިވާ، ރައީސް ސާލިހުގެ "އެމްޑީޕީ ކުރިއަށް" ކެމްޕެއިން ޖަލްސާއަށްފަހު މާދަމާ ހެނދުނު ހުވަދޫ އޮތޮޅާއި ފުވައްމުކަލަށް ކުރައްވާ ރައީސް ސާލިހުގެ ކެމްޕޭން ދަތުރުފުޅު ފައްޓަވާ ގޮތަށް ހަމެޖެހިއްޖެއެވެ.
ރައީސް ސާލިހުގެ ކެމްޕޭން ދަތުރުފުޅުގައި ހުވަދޫ އަދި ފުވަށްމުލަކަށް ފުރުއްވުމަށް ހަމެޖެހިފައިވާއިރު، ފާއިތުވެދިޔަ ހަފްތާގައި ހއ، ހދ، ށ އަދި ލ އަތޮޅުގެ ރަށްތަކަށް ކުރެއްވި ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފައިވަނީ މިއަދުއެވެ. މާލެއިން ދެކުނުގެ އަތޮޅުތަކުގެ ތެރެއިން ރައީސް ވަނީ މިމަހުގެ 13 އިން 15 އަށް އައްޑޫ ސިޓީގެ ރަށްތަކަށް ދަތުރުކޮށް ކެމްޕޭން ކުރައްވާފައެވެ.
މިމަހުގެ 28ގައި ބޭއްވުމަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމަށް ރައީސް އުތުރުގެ ރަށްތަކަށް ކުރެއްވި މި ދަތުރުފުޅުގައިވަނީ ތަރައްގީގެ ބައެއް މަޝްރޫއުތައްވެސް އިފްތިތާހު ކޮށްދެއްވާފައެވެ. އޭގެތެރޭގައި ހަނިމާދޫ އިންޓަރނޭޝަނަލް އެއަރޕޯޓުގެ އަމަލީ މަސައްކަތް ފައްޓަވާ ދެއްވުންވެސް ހިމެނެއެވެ.
ކެމްޕޭން ދަތުރުފުޅު ނިންމަވާލެއްވުމަށްފަހު ރައީސް ސާލިހު މިއަދު މާލެ ވަޑައިގެންނެވުމަށްފަހު، މިރޭ މާލޭ އާރޓިފިޝަލް ބީޗް ސަރަހައްދުގައި ބޭއްވުމަށް ހަމަޖެހިފައިވާ، ކެމްޕޭންގެ ބޮޑު ޖަލްސާއަށް މިހާރު ތައްޔަރު ވަމުންދާއިރު، މިޖަލްސާއަށް އަތޮޅުތަކުގެ ބައެއް ރަށްތަކުންވެސް ވަނީ މީހުން މާލެ އައިސްފައެވެ.
ކެމްޕެންގައި ރައީސް ސާލިހު މިހާރުވަނީ ރ. ބ. ޅ. ހއ. ހދ ށ. ނ. އަތޮޅަށް ޒިޔާރަތް ކުރައްވާފައެވެ.
ރައިސް ސާލިހުއާއި ރިޔާސީ ޕްރައިމަރީގައި ވާދަ ކުރައްވަމުން ގެންދަވާ އެމްޑީޕީގެ ރައީސް ނަޝީދު މިހާރު ދަތުރު ކުރައްވަމުން ގެންދަވަނީ ހުވަދޫ އޮތޮޅުގެ ރަށްތަކަށެވެ.
