ފުވައްމުލަކު ސިޓީގެ ކުރީގެ މޭޔަރު ފަލާހު އޭނާ މިހާރު އައްޔަން ކުރައްވާފައިވާ ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ނައިބުގެ މަޤާމުން އިސްތިއުފާ ދެއްވައި ރައީސް ނަޝީދުގެ ކެމްޕެއިނާއި ގުޅިވަޑައިގެންފިއެވެ.

އެމްޑީޕީގެ ޕްރައިމަރީގައި ސަރުކާރުގެ އިސް ބައެއް މަޤާމުތަކުގައި ތިއްބެވި ބޭފުޅުން ގެންދަވަނީ ރައީސް ނަޝީދަށްވެސް ތާއީދު ކުރައްވަމުންނެވެ. ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މިނިސްޓަރ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ނައިބުގެ މަޤާމަށް ފުވައްމުލައް ސިޓީ، ފުނާޑު، މާނެލް، ފަލާޙް ޝަރީފް އައްޔަން ކުރައްވާފައިވަނީ މިދިޔަ އަހަރުގެ ޖެނުއަރީ މަހުގެ ތެރޭގައެވެ.

ފަލާފް ރައީސް ނަޝީދުގެ ކެމްޕެއިނާއި ގުޅުނުކަން ހާމަކުރެއްވީ ރައީސް ނަޝީދެވެ. ރައީސް ނަޝީދު މިއަދު ވިދާޅުވީ އެމަނިކުފާނުގެ ކެމްޕެއިނަަށް ވަގުތު ހުސްކުމުގެ ގޮތުން ފަލާހު މަޤާމުން އިސްތިއުފާ ދެއްވާފައިވާކަމަށެވެ.

މައުމޫނީ ފިކުރަކަށް އަޅުގަނޑުމެންނަށް އަނބުރައެއް ނުލެވޭނެ!"

މިކެންޕެއިނަށް ވަގުތުދެއްވަން ހައުސިންގްގެ ނައިބް ވަޒީރުކަމުން އިސްތިއުފާދެއްވި ފުވައްމުލަކުގެ ކުރީގެ މޭޔަރ އަބްދުﷲ ފަލާޙް ޝަރީފަށް ރ. ނަޝީދު މަރުޙަބާ ވިދާޅުވި.@FalahShareef #Anni2023#FikureggeDhirun https://t.co/A0UZlpWhFD pic.twitter.com/WmeAdspJl8

— Mohamed Nasheed 2023 ⚖️ (@Anni_2023) January 15, 2023

ފުވައްމުލަކު ސިޓީގައި ރައީސް ނަޝީދާއި، ރައީސް ޞާލިހުގެ ކެމްޕެއިން ވާދަވެރިވެފައިވާއިރު، މިއިންތިޚާބުގައި ފުވައްމުލަކުން ރައީސް ނަޝީދު ކުރި ހޯއްދަވާފާނެކަމަށްވެސް ބައެއް ފަރާތްތަކުން ދެކެއެވެ. ރައީސް ޞާލިހު މިވަގުތު ހުންނެވީ އައްޑޫ ސިޓީގައި އެމަނިކުފާނުގެ ކެމްޕެއިންގައެވެ.