މި ސަރުކާރުން ރާއްޖެއަށް ގެންނަމުން މިދަނީ އުފުރާލައިގެން ގެންދެވޭނެ ތަރައްގީއެއް ނޫން ކަމުގައި، އެމްޑީޕީގެ ޕްރައިމަރީގައި ވާދަ ކުރައްވަމުން ގެންދަވާ. އެޕާޓީގެ އިސް ލީޑަރު، ރައީސުލްޖުމުހޫރިއްޔާ އިބުރާހިމް މުހައްމަދު ސާލިހު ވިދާޅުވެއްޖެއެވެ.

ޕްރައިމަރީ ކެޕްމޭންގައި މިހާރު އައްޑޫ ސިޓީއަށް ކުރައްވަމުން ގެންދަވާ ދަތުރުފުޅުގައި، އެ ސިޓީގެ ހިތަދޫ ދެކުނު ދާއިރާގެ ކެމްޕެއިން ޓީމާ މިއަދު ބައްދަލުކުރައްވާ ވާހަކަ ދައްކަވަމުން ރައީސް ސާލިހު ވިދާޅުވީ ރާއްޖެއަށް ތަރައްގީ ގެނެވޭނީ އެމްޑީޕީ ވެރިކަމުގައި އޮވެގެން ކަމުގައެވެ. އަދި އެމްޑީޕީއަށް ވެރިކަމުގައި ދެމި އޮވެވޭނީ ކިހިނަކުންކަންވެސް ރައްޔިތުންނަށް ސާފު ވާނެކަމަށްވެސް ރައީސް ސާލިހު ވިދާޅުވިއެވެ.

މިގޮތުން ރައީސް ސާލިހު ވިދާޅުވި ގޮތުގައި ކެމްޕޭނެއް ކާމިޔާބު ކުވެނެން އަންނަނީ އެހެނިހެން ފަރާތްތަކުގެ އެހެން ފަރާތްތަކުގެ އެހީތެރިކަންވެސް ހޯދައިގެންނެވެ.

އަޅުގަނޑުމެންގެ މާޒީ އަށް ބަލާއިރުގައި މިކަން ވެގެން ދިޔަ ގޮތް ވަރަށް ސާފުކޮށް ފެންނަން އެބައޮތް.

ރައީސް ސާލިހު ވިދާޅުވިއެވެ.

ހިތަދޫ ދެކުނު ދާއިރާގެ ކެމްޕެއިން ޓީމާ ބައްދަލު ކުރައްވާ މިއަދު ރައީސް ސާލިހު ދެއްކެވި ވާހަކަ ފުޅުގައި ވިދާޅުވީ މިސަރުކާރުން އައްޑޫ ސިޓީއަށް ގެންނަމުންދާ ތަރައްގީއަކީ އެ ސިޓީން އުފުރާލައިގެން ގެންދެވޭނެ އެއްޗެއް ނޫންކަމުގައެވެ. މިގޮތުން އެ ސިޓީގައި ފާޚާނާ، ފެނާއި ނަރުދަމާގެ ނިޒާމުންތައް އައްޑޫ ސިޓީގައި ދަނީ ގާއިމް ކުރެވެމުން ކަމަށާއި، މަގުތައްވެސް އެސިޓީގައި ދަނީ ހެދެމުން ކަމުގައެވެ.

ބަންދަރުތައް ހެދެމުން އެދަނީ. އެއަރޕޯޓު ތަރައްގީވަމުން އެދަނީ. ޓުއަރިޒަމްގެ ތަރައްގީ މިތަނަށް މި އަންނަނީ. މިއީކީއެއް ވެރިކަމެއް ބަދަލުވެގެން މިތަނުން އުފުރާލައިގެން ގެންދެވޭނެ އެއްޗެއްސެއް ނޫން. އައްޑޫ ސިޓީއަށްޓަކާ އަޅުގަޑުމެން މި ފެށި މަސައްކަތް ނިންމުމަށްޓަކާ ތިބޭފުޅުންގެ ތާއީދު އަޅުގަޑަށް ބޭނުންވޭ.

ރައީސް ސާލިހު ވިދާޅުވި ގޮތުގައި ދައުރަށްވުރެ ބޮޑު ތަރައްގީއެއް އައްޑު ސިޓީއަށް ގެނައި ސަރުކާރެއް މާޒީން ފެންނާން ނޯނާނެ ކަމުގައެވެ.

ރައީސް ސާލިހު ވިދާޅުވީ ތަރައްގީގެ މަސައްކަތްތައް ފަށައިގެން ސަރުކާރުން ކުރިޔަށް ގެންދާނީ އެންމެ އަސާސީ ޚިދުމަތްތަކުން ފެށިގެން ކަމަށާއި، އެ މަސައްކަތުގައި ކުޑަ ސިޓީއެއް ބޮޑު ސިޓީއެއް ސަރުކާތު ނުކުރާ ކަމުގައިވެސް ރައީސް ސާލިހު ވިދާޅުވިއެވެ.