އެމްޑީޕީގެ ޕްރައިމަރީގައި މާފަންނު ދެކުނު މެމްބަރު އާދަމް ޢަލީ ރައީސް ނަޝީދަށް ތާއީދުކޮށް ކެމްޕެއިނާއި ގުޅިވަޑައިގެންފިއެވެ.
މެމްބަރު އާދަންކޮއަކީ 19 ވަނަ މަޖިލީހަށް އެމްޑީޕީގެ ޓިކެޓްގައި އިންތިޚާބްވި މެމްބަރެކެވެ. އޭނާ ރައީސް ނަޝީދަށް ތާއީދު ކުރުމަށް ނިންމައި ކެމްޕެއިންގައި ބައިވެރި ވެފައިވަނީ ރައީސް އިބްރާހިމް މުހައްމަދު ޞާލިހު ޕްރައިމަރީގައި ވާދަކުރައްވަން ނިންމަވައި އެމްޑީޕީގެ ގައުމީ މަޖިލީހުގެ މެމްބަރުންނާއި ބައްދަލު ކުރެއްވިރޭ އެތަނަށްވެސް ވަޑައިގެންނެވުމަށްފަހުއެވެ.
ސިޔާސީ ކަންކަމުގައި މާބޮޑަށް އުޅޭތަން ނުފެނުނު ކަމުގައި ވީނަމަވެސް އޭނާއަކީ މާފަންނު ދެކުނު ދާއިރާގެ އެމްޑީޕީ މެމްބަރުންނާއި ގާތް ގުޅުމެއް އޮންނަ މެމްބަރެކެވެ. އޭނާ ވަނީ މިއަދު ރައީސް ނަޝީދާއިއެކު އެދާއިރާގެ އެމްޑީޕީ މެމްބަރުންގެ ގޭގެއަށް ވަޑައިގެންފައެވެ.
މެމްބަރު އާދަންކޮގެ ތާއީދު ރައީސް ނަޝީދަށް އޮތްއިރު، ކުޅުދުއްފުށި އުތުރު ދާއިރާގެ މެންބަރު ޔާސިރު އަބްދުލްލަތީފް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް ކުރި ތާއިދު އަނބުރާގެންގޮސް ރައީސް މުހައްމަދު ނަޝީދަށް ތާއިދުކުރަން ވަނީ ނިންމާފައެވެ.
Congratulations Hon.Adam Ali, MP for South Maafanu, for joining President @MohamedNasheed’s Campaign for the upcoming MDP presidential primary. You have chosen the winning side. pic.twitter.com/cN77k4Wgyv
— 𝐀𝐥𝐢 𝐀𝐳𝐢𝐦 (@aliaazim) January 8, 2023
ރިޔާސީ ޕްރައިމަރީގައި ރައީސް ސޯލިހާއި ނަޝީދު ވާދަކުރަން ނިންމުމުން މިއީ އެމްޑީޕީގެ ތާރީޚްގައި އެޕާޓީން ބާއްވާ އެންމެ ވާދަވެރި އިންތިހާބަށް ވާނެ ކަމަށް ވަނީ ބެލެވިފައެވެ.
