ޙާޖަތްތެރިން ތިމާމެންގެ ބޭނުންތައް ފުއްދުމަށްޓަކާ، ދަރަނި ނެގުމަކީ އިސްމާދީނުގައި ހުއްދަ ކަމެއް ކަމަށާއި، އެހެންނަމަވެސް އެ ދަރަނި އަދާކުރުމަށް އަވަސްވެގަންނަން ޖެހޭކަމުގައި މިއަދު ހުކުރު ޚުޡުބާގައި ވިދާޅުވެއްޖެއެވެ.
"އިޤްތިޞާދު ކުރުން" މިމައުޟޫއަށް ޚާއްސަ ކުރެވިގެންދިޔަ މިއަދުގެ ހުކުރު ޚުޡުބާގައި ވިދާޅުވި ގޮތުގައި އިންސާނާގެ ދިރިއުޅުމަކީ އޭގެ މިންވަރު ކަނޑައެޅިފައިވާ އެއްޗަކަށް ވާހިނދު ދުނިޔޭގައި އުޅެން އޮތް ދުވަސްތަކަކީ ގުނައި އަދަދު ކުރެވޭހާ މަދު ދުވަސްކޮޅެއް ކަމުގައެވެ. އެހެންކަމުން އެ މުއްދަތު ހަމަވުމުން އެންމެ ހިނދުކޮޅަކަށްވެސް ލަހެއް ފަހެއް ނުވާނެކަން ބަޔާންކުރަމުން މިއަދު ހުކުރު ޚުޡުބާގައިވަނީ ވަނީ އަބަދުވެސް މީހުންގެ ހައްގުތަކާއި ދަރަނިތައް އަދާކޮށް، މަރަށް ތައްޔާރުވެގެން ތިބުމަށް ގޮވާލައްވާފައެވެ.
ތިމާ ދުނިޔެ ދޫކޮށް ދާހިނދު، މީހުންގެ ދަރަނިތައް އަދާ ނުކޮށް ހުރުމަކީ، ނުބައިކަން ބޮޑު، ނުރައްކާތެރި ކަމެކެވެ.
މިއަދު ހުކުރު ޚުޡުބާގައި ވިދާޅުވެފައި ވެއެވެ.
ޚުޡުބާގައި އިތުރަށް ބަޔާން ކުރި ގޮތުގައި، ތިމާއަށް ލިބޭ އެއްޗަކުން ފުއްދައިގެން ހޭދަ ކުރުމަކީ، އިސްލާމް އިޤްތިސާދުގެ މުހިންމު އަސާސެއް ކަމުގައެވެ. އެގޮތުން ޚަރަދު ކުރުމުގައި މެދުމިންވަރަކަށް އަމަލުކުރުމަށް ނަސޭހަތްތެރި ވަމުން، ޚުޡުބާގައި ބަޔާން ކުރި ގޮތުގައި އަދުގެ ދުނިޔޭގައި ކުރިއަރާފައިވާ ބޮޑެތި ޤައުމުތައް ތަރައްޤީވެފައިވަނީ، އުފެއްދުންތެރިކަމާއި، އިޤްތިސާދު ކުރުން، އެއީ އެންމެ މުހިންމު ދެ އަސާސްކަމުގައި ބަލައިގެން މަސައްކަތް ކުރުމުގެ ސަބަބުން ކަމުގައެވެ.
މިގޮތުން ހުކުރު ޚުޡުބާގައިވަނީ، ތަނަވަސްކަމާއި ދަތި ހާލުގައިވެސް، ޚަރަދުތައް ކުޑަކޮށް، ބޭކާރު ކަންކަމަށް ހޭދަކުރުމުން އެއްކިބާވުމަށް ގޮވާލައްވާފައެވެ. އަދި ތިމާއަށް ލިބޭ އެއްޗަކުން ފުއްދައި، އިގްތިސާދުކުރުމަށް ދަސްކުރުމަށް ޚުޡުބާގައި ނަސޭހަތްތެރި ވެފައި ވެއެވެ.
