މި އަހަރަކީ އާލިއާ ބަޓްގެ ދިރިއުޅުމަށް ބޮޑެތި ބަދަލުތަކެއް އަދި އަހަރެކެވެ. މީ ވަރަށް އުފާވެރި އަދި އޭނާގެ ގިނަ އުންމީދު ތަކެއް ހާސިލްވި އަހަރެއް ކަމުގައި ބުނެވިދާނެއެވެ.
އެގޮތުން އޭނާ އެންމެ ލޯބިވާ މިހާ ހަޔާތުގެ ބައިވެރިއަކަށްވީ މިއަހަރުއެވެ. ކުޑަ އިރުންސުރެ އެކްޓަރު ރަންބީރު ކަމުދާ ކަމަށް ބުނަމުން އައި އާލިއާ އަށް ރަންބީރު ހާސިލު ކުރެވުނީ މިއަހަރުއެވެ. ލޯބީގެ ގޮތުން ދެމީހުން ގުޅިގެން އުޅުމަށްފަހު ކައިވެނި ކުރީ މިއަހަރުގެ އެޕްރިލް މަހުގެ 14 ވަނަ ދުވަހުގައިއެވެ.
މި ކައިވެނި ކުރުމުގެ ކުރިން ރަންބީރު ވަނީ އާލިއާ އަށް ޕްރޮޕޯސް ކޮށްފައިއެވެ. ޖަންގަލީގެ މެދު ތެރޭގައި ރަންބީރު އާލިއާ އަށް ޕްރޮޕޯސް ކުރަނިކޮށް ނަގާފައިވާ ފޮޓޯތަކެއް މިހާރު އަންނަނީ ދައުރު ވަމުންނެވެ.
ވައިރަލް ވެފައިވާ ފޮޓޯގައި ފެންނަނީ ކުޑަކަކޫ މައްޗަށް ރަންބީރު ތިރިވެ އަންގޮޓި ދިއްކޮލާތަނެވެ. އަދި އާލިއާ އަށް އުފަލުން ރޮވޭތަށް ފެނެއެވެ. ކައިވެންޏަށް ދުވަސްގަނޑަކަށްފަހު މި ފޮޓޯތަށް ވައިރަލްވެފައިވާ އިރުގައި ގިނަބަޔަކު ބުނަނީ މީ ވަރަށް ކިއުޓް ފޮޓޯތަކެއް ކަމަށެވެ.
އާލިއާ އަށް މި އަހަރު އިތުރަށް ފުރިހަމަ ވެގެން ދިއައީ އަލަތު ދަރިފުޅު ލިބުމާއި ގުޅިގެންނެވެ. އެދެމަފިރިންގެ އަލަތު ދަރިފުޅު ލިބިފައިވަނީ ކަިއވެންޏަށް 7 ވަރަކަށް މަހުގައިއެވެ. އެމީހުންނަށް ލިބުނީ އަންހެން ކުއްޖެކެވެ. ނަމަކީ ރާހާއެވެ.
ކޮމެންޓު ފޮނުވާ