އެމްޑީޕީގެ ރައީސް މުޙައްމަދު ނަޝީދު، ކެމްޕެއިން ހަރަކާތަށް، އެމްޑީޕީގެ މައި ހަރުގެ ބޭނުންކުރެއްވީ ހުއްދަ ނުނަންގަވާކަމަށް އެމްޑީޕީގެ ޗެއަރޕާސަން ފައްޔާޟް އިސްމާޢީލް ވިދާޅުވެއްޖެއެވެ.
އެމްޑީޕީން ރޭ ބޭއްވި އެޕާޓީގެ ޤައުމީ މަޖިލީހުގައި ރައީސް ނަޝީދުގެ ނަންފުޅު ވިދާޅުނުވެ ފައްޔާޟް ވިދާޅުވީ، އެޕާޓިގެ ހަރުގެ ބޭނުންކުރެވޭނީ ހުއްދަ ހޯދައިގެންކަމަށެވެ. ނަމަވެސް ދެފަހަރެއްގެ މަތިން ހުއްދަ ނުނަގައި އެޕާޓީގެ ބަޔަކު ހަރުގެ ބޭނުންކުރެއްވިކަމަށް ފައްޔާޟް ވިދާޅުވިއެވެ.
ފައްޔާޟް މިހެން ވިދާޅުވެފައިވާއިރު، އެމްޑީޕީގެ ޕްރައިމަރީގައި ވާދަކުރުމަށް ބޭނުންވާ ފޯމް ހުށައެޅުމަށް ބައެއް މަސައްކަތްކުރުމަށް ނަޝީދަށް ތާއީދުކުރައްވާ ފަރާތްތަކުން ވަނީ އެމްޑީޕީގެ ހަރުގެ ބޭނުންކޮށްފައެވެ. އަދި ނަޝީދުގެ ފެކްޝަނުން ހަރުގެ ބައްދަލުވުމެއްވެސް ބާއްވާފައިވެއެވެ.
އެމްޑީޕީގެ ރިޔާސީ ޕްރައިމަރީގެ ފޯރި ވަނީ ގަދަވެފައެވެ. އެގޮތުން ރައީސް ޞާލިޙާއި ރައީސް ނަޝީދަށް ތާޢީދުކުރައްވާ ބޭފުޅުން ގެންދަވަނީ އެއްބަޔަކު އަނެއްބަޔަކަށް ބަހުގެ ހޫނު ހަމަލާތަކެއް ރައްދު ކުރައްވަމުންނެވެ.
