2006 ވަނަ އަހަރު ގައި ލިރީޒް ކުރި ފިލްމް "އޯމްކާރާ"ގެ ރިމޭކެއް ހަދަން ނިންމައިފި އެވެ. އެފިލްމްގެ ލީޑުން ފެނިގެން ގޮސްފައިވަނީ ކަރީނާ ކަޕޫރު އާއި ސައިފް އަލީ ހާން އަދި އަޖޭ ދޭވްގަންއެވެ. މީގެ އިތުރުން ފިލްމްގެ ކާސްޓުގައި ވިވެކް އޮބެރޯއީ، ބިޕާޝާ ބާސޫ، ނަސީރުއްދީން ޝާހް އަދި ކޮންކޮނާ ސެން ޝަރުމާ ފަދަ ތަރިން ހިމެނެއެވެ.
މި ފިލްމް އަކީ ކަރީނާ އަދި ސައިފް އަށް ވަރަށް ޙާއްސަ ފިލްމްއެކެވެ. މީ ސައިފް އާއި ކަރީނާގެ ލޯބީގެ ފެށުން ކަމުގައި ވެއެވެ. މި ފިލްމް ކުޅެން އުޅުން ދުވަސްވަރުގައި ދެމީހުން ލޯބީގެ ގޮތުން ގުޅި އެމީހުން ކައިވެނި ކުރީ 2012 ވަނަ އަހަރުގައިއެވެ.
ޑައިރެކްޓަރު ވިޝާލް ބަރަދްވާޖް މީގެ 16 އަހަރު ކުރިން ގެނެސްދިން ކާމިޔާބު ކްރައިމް ޑްރާމާ އަކީ މަޝްހޫރު އިނގިރޭސި ނޮވެލިސްޓް ވިލިއަމް ޝޭކްސްޕީއާރުގެ ކްލެސިކް ޑްރާމާ "އޮތެއްލޯ" ގެ މައްޗަށް ބިނާކޮށް ވިޝާލް އުފައްދާފައިވާ ފިލްމެކެވެ.
އެ ފިލްމު ހަދަން ނިންމީ އެ އުފެއްދި ޕްރޮޑަކްޝަން ހައުސް، އިރޯސް އިންޓަނޭޝަލް އާއި ޕްރޮޑިއުސަރު އާނަންދު ޕަންޑިތު ގުޅިގެންނެވެ. ތިން ނެޝަނަލް އެވޯޑާއި ފިލްމުފެއާގެ ނުވަ އެވޯޑް ހޯދި އަދި ބޭރުގެ ބައެއް ފެސްޓިވަލްތަކުގައި ވެސް ދައްކައިގެން ކްރިޓިކުންގެ ތައުރީފު އޮހުނު "އޯމްކާރާ" ގެ ރިމޭކެއް ހަދަން ނިންމި ނަމަވެސް އެފިލްމް އާއި ގުޅޭގޮތުން އިތުރު މައުލާުމާތެއް އަދި ހަމައެއް ނުކުރެއެވެ. އަދި ފިލްމް ގެ ކާސްޓުވެސް ރިލީޒް ކުރާނެ ދުވަހެއް ނޭގެއެވެ.
