ރޭ އިދިކޮޅު ކޯލިޝަނުން ބޭއްވި މުޒާހަރާގައި ބައިވެރިވި އެންމެން ދޫކޮށްލައިފިއެވެ.
ވ. އާރަށް ކުއްޔަށް ދިނުމުގައި ރިޝްވަތު ހިފުމާއި މަނީ ލޯންޑަރިންގެ ކުށް ސާބިތުވެ، ޔާމީން 11 އަހަރަށް ޖަލަށް ލުމަށް ކްރިމިނިލް ކޯޓުން އިއްޔެ ހުކުމްކުރިއެވެ.
ރައީސް ޔާމީނަށް އެ ހުކުމް ކުރުމުން، އެމަނިކުފާނު މިނިވަން ކުރުމައި ގޮވާލައި ރޭ ޕީޕީއެމުން މާލޭގެ މަގުތަކުގައި މުޒާހަރާކުރިއިރު, އެ ރޫޅާލުމަށް ގިނަ ބަޔަކު ހައްޔަރުކުރިއެވެ. އެގޮތުން 16 މީހަކު ފުލުހުންގެ ބެލުމުގެ ދަށަށް ގެންދިޔައެވެ.
ޕީޕީއެމް ތަރުޖަމާނު ހީނާ ވިދާޅުވީ، ރޭގެ މުޒާހަރާއިން ހައްޔަރުކުރި އެންމެން މިހާރު ދޫކޮށްލާފައިވާ ކަމަށެވެ. ރައީސް ޔާމީން މިނިވަން ކުރުމަށް ގޮވާލައި، އެމަނިކުފާނުގެ ސަޕޯޓަރުން ރޭ ބޭއްވި މުޒާހަރާ ބާރުގެ ބޭނުންކޮށްގެން ރޫޅާއިރު, އިދިކޮޅުން ވަނީ ސިލްސިލާ ގޮތެއްގައި މާލޭގައި މުޒާހަރާ ކުރުމަށް ނިންމާފައެވެ.
