ބޮލީވުޑްގެ ކިންގް ޚާން، ޝާހްރުކް ޚާން މެދުކެނޑުމަކަށް ފަހު ބޮޑު ސްކްރީނަށް އެނބުރި އަންނަ ފިލްމު "ޕަޓާން" ގެ ޓީޒާ އެއް އާންމު ކުރުމަށް ފަހު ޓްރެއިލާ ދައްކާލުމުގެ ކުރިން ފިލްމްގެ ވަރަށް ރޮމޭންޓިކް ލަވައެއް ދޫކޮށްލައިފިއެވެ.
ޝާހްރުކް އެނބުރި އައުން ފާހަގަ ކުރާ ފިލްްމު "ޕަތާން" އަކީ ބޮޑު ކާސްޓެއް ހިމެނޭ ފިލްމެކެވެ. މިހާރުވެސް އަހަރެއްހާ ދުވަސް ޝޫޓިންގައި ހޭދަކޮށްފައިވާ މި ފިލްމު ރިލީޒް ކުރުމަށް ތާވަލު ކޮށްފައިވަނީ 25 ޖަނަވަރީ 2023 އަށެވެ.
ޝާލް-ޝޭކަރުގެ މިއުޒިކަށް ހަދާފައިވާ މި ލަވައިގެ އަޑުގެ ވެރިންނަނީ މިއުޒިކްގައި ވެސް ހިއްސާވި ވިޝާލް ދަދުލާނީ ޝޭކަރާއި އާއި ޝިލްޕާ ރާއޯގެ އިތުރުން ކެރަލީޒާ މޮންޓީރޯ އެވެ. ލަވައިގެ ގެ ކޮރިއޯ ހެދީ ވައިބާވީ މާޗަންޓެވެ.
އަދިތިޔާ ޗޯޕްޅާގެ ޔާޝްރާޖް ފިލްމްސް (ވައިއާރްއެފް) އިން ޕްރޮޑިއުސްކޮށްފައިވާ މި އެކްޝަން ތުރިލާ އަކީ އެ ސްޓޫޑިއޯގެ 2019 ގެ "ވޯ" ގެ ޑައިރެކްޓަރު ސިދާތު އާނަންދު ހަދާފައިވާ ފިލްމެކެވެ.
ޔަޝް ރާޖް ފިލްމްސް އިން ގެނެސްދޭ މި ފިލްމު 3 ބަހަކުން ނެރުމަށް ވަނީ ހަމަޖެހިފައެވެ. އެއީ ހިންދީ، ޓެލުގޫ އަދި ޓެމިލްއެވެ. މި ފިލްމުގައި ޝާހްގެ އިތުރުން ދީޕިކާ ޕަޑުކޯން، ޖޯން އަބްރަހަމް އަދި ޝާބާނާ އާޒްމީ ފަދަ މަޝްހޫރު ތަރިން ހިމެނެއެވެ.
