ބޮލީވުޑްގެ މަޝްހޫރު ބަތަލާ އާލިއާ ބަޓް އަށް އަލަތު ދަރިފުޅު ލިބުނީ މިމަހުގެ 6 ވަނަ ދުވަހުގައިއެވެ. ބަލިއިނުމާ ގުޅިގެން އާލިއާ ފަލަވި ނަމަވެސް ކުޑަ ދުވަސްކޮޅެއްގެ ތެރޭގައި ވަރަށް ބޮޑަށް އޭނާ ހިއްކައިލައިފިއެވެ.

އާލިއާ ވަނީ އޭނާގެ ދައްތަ ޝަހީން ބަޓްގެ އުފަން ދުވަސް ފާހަގަކުރަން އޭނާގެ އާއިލާ މީހުން ދިރިއުޅޭ ގެއަށް ޒިޔާރަތް ކޮށްފައެވެ. އަދި އެއާއި އެކުގައި އޭނާ ވަނީ މީޑިއާއަށް ފޮޓޯ ނެގުމުގެ ހުއްދަ ދީ ފޮޓޯއަށް ޕޯސްވެސް ދީފައިއެވެ. އޭނާގެ މަންމަ ސޯނީ ރަޒްދާ އާއި އެކުގައި ނަގައިފައިވާ މި ފޮޓޯ ތަކުގައި އެންމެގެ ތައުރީފްވެސް ލިބިގެން ދިއައީ އާލިއާ ގެ ހަށިގަނޑަށެވެ.

ކުޑަވަގުތު ކޮޅެއްގެ ތެރޭގައި އާލިއާގެ ފޮޓޯތަށް ސޯޝަލް މީޑީއާގައި ވައިރަލް ވެގެން ގޮސްފައިވާއިރުގައި، އާލިއާގެ ފިޓްކަން ފެނި އެންމެން މިވަނީ ކޮސްވެފައިއެވެ. އަދި ގިނަމީހުން ބުނަނީ އާލިއާ ދަރިއަކު ވިހޭހެން ހީވެސް ނުވާ ކަމަށާއި ހިއްކާލިލެއް އަވަސް ކަމަށެވެ.

 

View this post on Instagram

 

A post shared by Viral Bhayani (@viralbhayani)

އާލިއާ އާއި ރަންބީރު އެކަކު އަނެކަކާ ހިތާވެގެން އުޅޭތާ ދެތިން އަހަރު ފަހުން، ދެމީހުން ކައިވެނި ކުރީ މިއަހަރުގެ ކުރީކޮޅު އެވެ. އެމީހުން ބަލިވެ އިންކަން އިއުލާން ކުރަނީ މިއަހަރުގެ ޖޫން މަހު އެވެ. އޭރު އެމީހުންގެ ކައިވެންޏަށް 2 މަސްވެސް ނުވެއެވެ. އެކަމުގެ ސަބަބުން އެންމެން ހައިރާންވިއެވެ.

އާލިއާ އާއި ރަންބީރަށް ލިބުނީ އަންހެން ކުއްޖެކެވެ. އެމީހުންގެ ދަރިފުޅުގެ ނަމަކީ ރާހާ އެވެ. މީ އާލިއާ ވެސް އަދި ރަންބީރުގެ ވެސް އަލަތު ދަރިފުޅެވެ.