ރޭ ފަތިހު 5:45އިން ފެށިގެން މިއަދު މެންދުރު 13:00އާ ހަމައަށް މާލޭ ސޯސަންމަގު ބަންދުވާނެކަމަށް ފުލުހުން އަންގާފައިވާކަމަށާ، އެހެންކަމުން އެމަގުން ކުރިއަށް ގެންދާ ބަސް ދަތުރުތަކަށް ބަދަލެއް އަންނާނެކަމަށް އެމްޓީސީސީން ބުނެފިއެވެ.
އެމްޓީސީން ބުނީ 5:45 އިން ފެށިގެން 13:00އަށް ސޯސަންމަގު ބަންދުކުރުމަށް ހަމަޖެހިފައިވާކަން މޯލްޑިވްސް ޕޮލިސް ސަރވިސްއިން ވަނީ އެކުންފުންޏަށް އަންގާފައިކަމަށެވެ. އެހެންކަމުން އެކުންފުނިން ފޯރުކޮށްދޭ އާރުޓީއެލް މާލެ، ބަހުގެ ޚިދުމަތް ދިނުމުގައި ހިމެނޭ ސޯސަންމަގު ރޫޓުގެ ޚިދުމަތް ވަގުތީގޮތުން މި ވަގުތުކޮޅަށް މެދުކެނޑޭނެކަމަށެވެ.
އަދި ސޯސަންމަގު އަލުން ހުޅުވުމާއެކު މި ރޯޓުގެ ޚިދުމަތް އަލުން ފަށާނެކަމަށްވެސް އެމްޓީސީސީން ބުނެއެވެ.
ކަސްޓަމަރުންގެ ސަމާލުކަމަށް! pic.twitter.com/4uNou6aQ2j
— MTCC Plc (@MTCCPlc) November 25, 2022
ސޯސަން މަގު ބަންދުކުރަނީ ކީއްވެގެންކަމެއް ނޭނގެއެވެ. އެކަމުގެ އެއްވެސް އިތުރު މަޢުލޫމާތެއް މޯލްޑިވްސް ޕޮލިސް ސަރވިސްއަކުން ހާމައެއް ނުކުރައްވައެވެ.
