މި މަހުގެ 6 ވަނަ ދުވަހުގައި އުފަންވި ބޮލީވުޑްގެ ދެ ތަރިން ކަމުގައިވާ އާލިއާ ބަޓް އާއި ރަންބީރު ކަޕޫރު ގެ ދަރިފުޅަށް ނަން ކިޔާނީ ރިޝީ ކަޕޫރްގެ ނަމާ ގުޅުވައިގެން ކަމަށް ރިޕޯޓްތައް ބުނެފި އެވެ.
ރަންބީރުގެ ބައްޕަ އަދި ކުރީގެ މަޝްހޫރު އެކްޓަރު ރިޝީ ކަޕޫރު މަރުވެފައިވަނީ 2020 ވަނަ އަހަރުގެ އެޕްރީލް 29، ވަނަ ދުވަހުގައި ލޭގެ ކެންސަރަށް ފަރުވާ ހޯދަމުން ދަނިކޮށް ހާލު ދެރަވެގެންނެވެ. އޭނާ މަރުވީ އެޗްއެން ރިލައިންސް ހޮސްޕިޓަލުގައިއެވެ. އަދި ހަަމަ އެއާއި އެކުގައި އާލިއާ އައި ރަންބީރުގެ ފަރާތުން ރިޝާި އަށް ލިބޭ އަލަތު ކާފަ ދަރިފުޅު ވިހައިފައިވެސް ވަނީ އެޗްއެން ރިލައިންސް ހޮސްޕިޓަލުގައިއެވެ.
View this post on Instagram
2020ގައި މަރުވެފައިވާ ރިޝީއާ ގުޅުވައިގެން ނަން ދޭން ނިންމައި އެކަން އާއިލާ މީހުން ގާތު ބުނުމުން ކަޕޫރު އާއިލާ، ހާއްސަކޮށް ރަންބީރުގެ މަންމަ ނީޓޫ ކަޕޫރު ހުރީ ވަރަށް އުފަލުން ކަމަށްވެ އެވެ. އަދި މާ ލަސްތަކެއް ނުވެ ރަސްމީކޮށް ދަރިފުޅުގެ ނަން އިއުލާން ކުރާނެ ކަމަށް ވެސް މީޑިއާތަކުން ބުންޏެވެ
ރަންބީރާއި އާލިޔާ އެމީހުންގެ ދަރިފުޅުގެ ފޮޓޯއެއް އަދި އާންމެއް ނުކުރެ އެވެ. ރިޕޯޓްތަށް ބުނާގޮތުގައި އާލިއާ އާއި ރަންބީރު ގެ ދަރިފުޅުގެ ފޮޓޯ ނެގުމުގެ ހުއްދަ މީީޑއާއަށް އެމީހުން ނުދޭނެއެވެ. އެމީހުން އުޅޭނީ ދަރިފުޅު 'ފޮރުވައިގެން’ނެވެ.
View this post on Instagram
ލޯބީގެ ގޮތުން ގުޅިގެން 5 އަހަރެއްހާ ދުވަސް ވަންދެން އުޅުމަށް ފަހު އާލިއާ އާއި ރަންބީރު ކައިވެނި ކުރީ މިއަހަރު އެޕްރިލް މަހުގެ 14 ވަނަ ދުވަހު، އިންޑިއާގެ އާދަކާދައާ އެއްގޮތަށް ވަރަށް ކުލަގަދަ ކޮންނެވެ.
އަލިއާ އަލަތު ދަރިފުޅަށް ބަލިވެ އިންކަން އިއުލާން ކުރީ ކައިވެންޏަށް ދެމަސްވެސް ނުވަނިހެންނެވެ. އަދި ހަމަ އެހެންމެ އޭނާ ވިހައިފައިވަނީ ކައިވެންޏަށް 7 މަސްވެސް ނުވަނީހެނެވެ. އެހެންވެ ގިނަ ބަޔަކު ގަބޫލު ކުރާ ގޮތުގައި އާލިއާ ކައިވެނި ކުރީ ބަނޑުބޮޑު ވުމަށް ފަހުގައިއެވެ.
