މިސަރުކާރުން 4 އަހަރު އެކަނި 58 ބިލިއަން ދަރަނި އުފެއްދިކަމަށް ވިދާޅުވެ ނައިފަރު ދާއިރާގެ މެންބަރު އަދި ޕީޕީއެމްގެ ނާއިބު ރައީސް އަޙްމަދު ޝިޔާމް ސަރުކާރަށް ފާޑުވިދާޅުވެއްޖެއެވެ.
ސަރުކާރަށް 4 އަހަރު އިއްޔެ ފުރުމާއި ގުޅިގެން ސަރުކާރުން ވަނީ ރައީސް އިބްރާހީމް މުޙައްމަދު ޞާލިޙް ވެވަޑައިގެންނެވި ވަޢުދުގެ 85 އިންސައްތަ މަޝްރޫޢު މިހާރު ފެށިގެން އެކި މަރުހަލާތަކުގައި އޮތްކަމަށް ވިދާޅުވެފައެވެ. އެއަށް ރައްދު ދެއްވައު ޝިޔާމް ވިދާޅުވީ، ސަރުކާރުގެ 4 އަހަރު ދިޔައީ "ބަރަވެލި" ދުވެލީގައިކަމަށެވެ. އަދި 4 ބަޖެޓުން 160 ބިލިއަން ފާސްކޮށް ހޭދަކުރިކަމަށާއި، 4 އަހަރު އެކަނި 58 ބިލިއަން ދަރަނި އުފެއްދިކަމަށްވެސް ޝިޔާމް ވިދާޅުވިއެވެ.
ބަރަވެލި ސްޕީޑުގައި 4އަހަރު. 4 ބަޖެޓުން 160 ބިލިއަން ފާސްކޮށް ހޭދަކުރި.4 އަހަރު އެކަނި 58 ބިލިއަން ދަރަނި އުފެއްދި (ޖުމްލަ ދަރަނި 113ބިލިއަނަށް). ތަރައްޤީގެ މަޝުރޫޢުތަކަށް ހޭދަކުރެވުނީ އެންމެ 13 ބިލިއަން. ސަރުކާރުގެ ތަރައްޤީ އެހެންކަމުން ނުފެނުން އެކަށީގެންވޭ @MvSpokesperson.
— Ahmed Shiyam (@Shiyamaldives) November 17, 2022
ރައީސް ސާލިހުގެ ސަރުކާރަށް 4 އަހަރު ފުރުމާއި ގުޅިގެން އެ އޮފީހުގައި އިއްޔެ ބޭއްވު ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިއުވާން ވިދާޅުވި ގޮތުގައި، ސަރުކާރަށް 4 އަހަރު ފުރިގެންދާއިރު ފެންނަމުންދާ މަންޒަރަކީ ތަފާތު ކުރުމެއް ނެތި ހަމަހަމަ ކަމާއެކު ތަރައްގީ ފޯރުކޮށް ދެމުންދާތަން ކަމުގައެވެ.
އޭނާ އިތުރަށް ވިދާޅުވި ގޮތުގައި، ޗާގޮސްގެ މައްސަލާގެ ހުރިހާ މައުލޫމާތެއް ހާމައަށް ފެނާން އެބަހުރިކަމަށާއި، ނޫށްވެރިޔާ ރިޟުވާންގެ މަރުގެ މައްސަލާއިގެ ރިޕޯޓު މިއަހަރު ނިމުމުގެ ކުރިން ކޮމިޝަނުން ރައީސުލްޖުމްހޫރިއްޔާއަށް ފޮނުވާނެ ކަމުގައެވެ.
އޭނާ އިތުރަށް ވިދާޅުވި ގޮތުގައި މި ހަފްތާގައި މަޖިލިހުން ފާސްކުރި ޓެކްސް ބިލް ރައީސް ތަސްދީގު ކުރައްވާނެކަމަށާއި، ފާއިތުވެދިޔަ އަަހަރު ތެރޭގައި އެއްވެ އުޅުމުގެ ގާނޫނުގެ ދަށުން ހުރިހާ ފަރާތްތަކަށްވެސް ސިޔާސީ ހަރާކާތްތައް ހިންގުމުގެ ފުރުސަތު މި ސަރުކާރުން ފަހި ކޮށްދީގައި ވާކަމުގައެވެ.
ހަމަހަމަ 4 ގެ ނަމުގައި ސަރުކާރުން ދަނީ، ރައީސް ސާލިހުގެ ސަރުކާރަށް 4 އަހަރު ފުރުމާއި ގުޅިގެން މި ސަރުކާރުގެ ކާމިޔާބީތައް ސޯޝަލް މީޑިއާގައި ހާމަ ކުރަމުންނެވެ.
ރައީސް އިބުރާހިމް މުހައްމަދު ސާލިހުގެ ސަރުކާރަށް 4 އަހަރު ފުރުމާއި ގުޅިގެން މިއަދު ބޭއްވި ނޫސްވެރިންގެ ބައްދަލުވުމެއްގައި މިއުވާން ވިދާޅުވެފައިވަނީ، ރައީސް ސާލިހު ވެވަޑައިގެންނެވި ހުރިހާ ވައުދެއް ދައުރު ނިމުމުގެ ކުރިން ފުއްދަވާ ދެއްވާނޭކަމުގައެވެ.
