ފަހަކަށް އައިސް ބޮލީވުޑްގައި އެންމެ ގަދައަށް ދެކެވުނު އެއް ވާހަކައަކީ އަކްޝޭގެ ފްރެންޗައިޒް ފިލްމު " ހޭރާ ޕޭރީ" އިން އޭނާ ބޭރުކުރުމަށް ފަހު އެ ފުރުސަތު ބޮލީވުޑްގެ ޒުވާން ތަރި ކާތިކް އާރިޔާން އަށް ދިން ވާހަކައެވެ.
އެއާއެކު ތަފާތު ގިނަ ވާހަކަތެއް ދެކެވުމުން ދަނިކޮން އޭގެ އަސްލު ސަބަބު މިވަނީ ހާމަވެފައެވެ. ރިޕޯޓްތަށް ބުނާގޮތުގައި އަކްޝޭ އާއި ފިލްމުގެ ޕްރޮޑިއުސަރުންނާ ދެމެދުގައި ޖެހުނު މައްސަލަ އަކީ ޑައިރެކްޓަރުގެ މައްސަލައެވެ.
View this post on Instagram
މިއީ އަކްޝޭ އާއި ސުނިލް ޝެޓީގެ އިތުރުން ޕަރޭޝް ރާވަލާއެކު ގެނެސްދެމުން އައި ފިލްމު ސީރީޒެކެވެ. "ހޭރާ ޕޭރީ" ގެ ފުރަތަމަ ބައި 2000 ވަނަ އަހަރު ގެނެސްދިނުމަށް ފަހު، "ޕިރް ހޭރާ ޕޭރީ" ގެނެސްދިނީ 2006 ގަ އެވެ. ފުރަތަމަ ބައި ޑައިރެކްޓްކުރީ ޕްރިޔަދަރުޝަނެވެ. ދެވަނަ ބައި ހެދީ 2017 ގައި މަރުވި ނީރަޖް ވޯރާ އެވެ.
"ހޭރާ ޕޭރީ 3″ ޑައިރެކްޓް ކުރަން ހަމަ ޖައްސަައިފައިވަނީ ޑައިރެކްޓަރު އަނިސް ބާޒްމީއެވެ. ނަމަވެސް ފިލްމު ޑައިރެކްޓް ކުރަން އަކްޝޭ ބޭނުން ވަނީ "ހޭރާ ޕޭރީ"ގެ ފުރަތަމަ ބައި ޑައިރެކްޓް ކުރި ޕްރިޔަދަރުޝަނެވެ. ނަމަވެސް ޕްރޮޑިއުސަރުން އެކަމާ އިންކާރު ކޮށްފައި ވާތީ އޭނާ ފިލްްމު ކުޅެން ބޭނުން ނުވީ ކަމަށް ޚަބަރުތައް ބުނެއެވެ.
View this post on Instagram
އަނެއްކޮޅުން އަކްޝޭ މިއަހަރު ރިލިޒް ކުރި ހުރިހާ ފިލްމަކީ ވެސް ފްލޮޕް ފިލްމު ތަކެވެ. އޭނާގެ 5 ފިލްމެއް މިހާތަނަށް ރިލީޒް ކޮށްފައިވާއިރު މި 5 ފިލްމު ވެސް ސިނަމާތަކުން ނަގަންޖެހުނީ ބޮކްސްއޮފީހުގެ ނާކާމިޔާބާއެކުގައެވެ.
