ސައުތުގެ މަޝްހޫރު ދެ އެކްޓަރުންނާއި އެކުގައި މިއަހަރު ރިލީޒް ކުރި ބޮލީވުޑްގެ ކާމިޔާބު ފިލްމް "އާރްއާރްއާރް" ގެ ގެ ސީކުއަލް އެއް އުފައްދާނެކަމުގައި އެ ފިލްމުގެ ޑައިރެކްޓަރު އެސްއެސް ރާޖްމޯލީ ބުނެފިއެވެ.
ދާދިފަހުން ޖަޕާނުގައި ރިލީޒްކޮށް އެ ޤައުމުގައި 3 ވަނައަށް އެންމެ ކާމިޔާބު ހިންދީ ފިލްމަށްވެސް ވެފައިވާ "އާރްއާރްއާރް" ގެ ސީކުއަލްއެއް ހަދާނެ ކަން ރާޖަ މޯލީ ކަށަވަރުކޮށްދިނީ އެމެރިކާގެ ޗިކާގޯގައި މި ފިލްމު ޕްރީމިއާކުރަން ބޭއްވި ޙަފުލާއެއްގައެވެ.
މި ފިލްމް އަކީ މި އަހަރު މިހާތަނަށް ބޮލީވުޑްގައި ނެރުނު ކުރި ފިލްމު ތަކުގެ ތެރެއިން އެންމެ ކާމިޔާބު އެއް ފިލްމެއެވެ. އެސްއެސް ރާޖާ މޯލިގެ މި ފިލްމުގައި ފެނިގެން ދަނީ ސައުތުގެ 2 ސުޕަސްޓާރުން ކަމަށްވާ ރާމް ޗަރަން އާއި އެންޓީއާރް ޖޫނިއާއެވެ. އަދި މީގެ ކާސްޓްގައި ބޮލީވުޑްގެ ތަރިން ކަމަށްވާ އާލިއާ ބަޓާއި އަޖޭ ދޭވްގަން ވެސް ހިމެނެއެވެ.
ރާޖަ މޯލީ ބުނީ އޭނަ މިހާތަނަށް ހެދި ހުރި ފިލްމެއްގެ ވާހަކަ އާއި ސްކްރީންޕްލޭގެ އެންމެ ބޮޑު ހިއްސާދާރަކީ ބައްޕަ ކޭވީ ވިޖަޔެންދުރަ ޕްރަސާދު ކަމަށެވެ. އެހެންވެ "އާރްއާރްއާރް" ގެ ދެވަނަ ބައި ކުރިއަށް ގެންދާނެ ގޮތް ބައްޕަ ރާވަމުން އަންނަ ކަމަށް ބުންޏެވެ.
އެކްޝަން ޑްރާމާ "އާރްއާރްއާރް"އަކީ ބޮޑު ބަޖެޓުގެ ފިލްމްތަކުގެ ތެރޭގައި ހިމެނޭ ފިލްމެކެވެ. މި ފިލްމު ސިނަމާ ތަކަށް ގެެނެސްފައިވަނީ މި އަހަރު މާރިޗު މަހުގެ 25 ވަނަ ދުވަހުއެވެ.
ބޮޑު ކާމިޔާބެއް ހޯދި ބްލޮކްބާސްޓަރ ފިލްމު "ބަހޫބާލީ" ގެ ދެ ފިލްމުވެސް އުފެއްދި ރާޖަމޯލީގެ ބައްޕަ މިހާރު އެންމެ ބޮޑަށް ފޯކަސްކޮށްފައި އޮތީ އެކްޓަރު މަހޭޝް ބާބޫއާ އެކީ ހަދަން ނިންމާފައިވާ އެޑްވެންޗާ ފިލްމަކަށެވެ.
އިންޑިއާގައި ވާހަކަ ދައްކާ އުޅޭ މައިގަނޑު 5 ބަހަކުން ގެނެސްދީފައިވާ މި ފިލްމުގެ ޑިޖިޓަލް ރައިޓްސް ދުނިޔޭގެ އެންމެ މަޤުބޫލު ސްޓްރީމިން ކުންފުނި ނެޓްފްލިކްސްއަށް ދޫކޮށްލާފައިވާއިރުގައި، ންޑިއާގެ އެހެން ބަހުރުވަތަކުގެ ވާޝަންތައް އިނގިރޭސި ބަހުން ސަބް-ޓައިޓަލްކޮށްގެން ޒީ5 އިން ގެނެސްދޭނެއެވެ. އަންނަ އަހަރު ބާއްވާ 95 ވަނަ އޮސްކާގެ އާންމު ބައެއް ކެޓަގަރީތަކަށް ވާދަކުރަން "އާރްއާރްއާރް" ވަނީ ހުށަހަޅާފައެވެ.
