އިނގިރޭސި ޕްރިމިއާ ލީގުގައި ފަހު ވަގުތު ޖެހި ލަނޑާއެކު ފުލަމް އަތުން މެންޗެސްޓާ ޔުނައިޓެޑް މޮޅުވެއްޖެއެވެ.
ފުލަމްގެ ދަނޑުގައި ކުޅުނު މިމެޗް ޔުނައިޓެޑުން ކާމިޔާބުކޮށްފައިވަނީ 2-1 ގެ ނަތީޖާއަކުންނެވެ. ދެޓީމްގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގައި ގިނައިރު ފުލަމްއިން ބޯޅަ ގެންގުޅުނު އިރު ހަމަލާ އުފެއްދިފައިވަނީ ދެޓީމަށްވެސް ހަމަހަމަ ކޮށެވެ. މިމެޗްގެ ފުރަތަމަ ލަނޑު މެޗްގެ 14 ވަނަ މިނެޓްގައި ޖަހާ ލީޑު ނެގީ ޔުނައިޓެޑުންނެވެ. މިލަނޑު އެޓީމަށް ޖަހާދިނީ ކްރިސްޓިއަން އެރިކްސަންއެެވެ. މިއީ އޭނާ ޔުނައިޓެޑަށް ކާމިޔާބުކޮށްދިން ފުރަތަމަ ލަނޑެވެ.
މިމެޗްގައި ފުލަމްއިން އެއްވަރުކުރި ލަނޑު މެޗްގެ 61 ވަނަ މިނެޓްގައި ޖަހާދިނީ ބަދަލު ކުޅުންތެރިޔާ ޑެން ޖޭމްސްއެެވެ. މިމެޗުން ޔުނައިޓެޑް މޮޅުވި ލަނޑު މެޗްގެ 93 ވަނަ މިނެޓްގައި އެޓީމަށް ޖަހާދިނީ އާޖެންޓީނާގެ ޒުވާން ކުޅުންތެރިޔާ އަލެހަންޑްރޯ ގާނާޗޯއެވެ. ފަހަކަށް އައިސް ޔުނައިޓެޑް ކުޅުނު މެޗްތަކުގައި މިހިންމު ދައުރެއް އަދާކުރަމުންދާ އަރަމުން އަންނަ ޒުވާން ކުޅުންތެރިއެކެވެ. އަދި މިމެޗުން ޔުނައިޓެޑް މޮޅުވުމުގައި ގާނާޗޯގެ ލަނޑުގެ ކުރިން ޔުނައިޓެޑްގެ ކީޕަރ ޑެވިޑް ޑެ ގިއަރ މަތަކުރި ފުލަމްގެ ނުރައްކާތެރި ހަމަލާތައްވެސް މުހިންމު ދައުރެއް އަދާކޮށްފައިވެއެވެ.
މިކާމިޔާބީއާއެކު ޔުނައިޓެޑް މިހާރު އުޅެނީ ކުޅުނު 14 މެޗުން ލިިބިފައިވާ 26 ޕޮއިންޓާއެކު ތާވަލްގެ ފަސްވަނައިގައެެވެ. އަދި ފުލަމް އުޅެނީ 19 ޕޮއިންޓާއެކު ތާވަލްގެ 9 ވަނައިގައެވެ.
