އެމްއެންޑީއެފްގެ ސެކިއުރިޓީގެ ޙިމާޔަތުގައި ހުޅުމާލޭގައި މީހަކު ޔޯގާ އަޅުކަންކޮށްފިކަމަށް ބުނެ ސޯޝަލްމީޑިއާގައި އެކި މީހުން ކަންބޮޑުވުން ފާޅުކުރަން ފަށައިފިއެވެ. މިމަންޒަރު ފެންނަ ވީޑިއޯއެއް އެކިމީހުން އަންނަނީ ސޯޝަލް މީޑިއާގައި ޝެއަރކުރަމުންނެވެ. އެވީޑިއޯއާއެކު ކަންބޮޑުވުން ފާޅުކުރި މީހުންގެ ތެރޭގައި އައްޝައިޚް އާދަމް ނިޝާނާއި އެނޫންވެސް ބައެއް ޝައިޚުން ހިމެނެއެވެ.
މިއީ މިއަދު ހެނދުނު MNDF އިން ސެކިއުރިޓީއާއި ޙިމާޔަތް ދީގެން ހުޅުމާލޭގައި، ހިންދީ ދީނުގެ ޔޯގާ ޙަރަކާތުގެ އެންމެ ބޮޑު ޝިރުކު ހިމެނޭ "ސޫރިޔާ ނަމަސްކާރު – ސަން ސެލިއުޓޭޝަން" ހެދުމަށް، މި ފަސްގަނޑުގައި ފުރުޞަތު ދީފައިވާ ތަން.#YogaIsShirk#NO2YOGA #IndiaOut
1/4 pic.twitter.com/fSIHrM7Sg4— Adam Nishan Ibn Ali Adam (@adamnishanali) November 12, 2022
މި ވީޑިއޯއިން ފެންނަނީ އިރުއަރާވަގުތު އިރަށް ކުރިމަތިލައިގެން ހުޅުމާލޭ ތޮށި މަތީގައި އިނދެގެން މީހަކު ޙަރަކާތްތަކެއް ކުރާ މަންޒަރެވެ. ވީޑިއޯ ޝެއަރކުރި މީހުން ބުނެފައިވަނީ މިއީ އިއްޔެ ހެނދުނު ހިނގި ކަމެއްކަމަށެވެ. އަދި މިއީ އެމްއެންޑީއެފްގެ ސެކިއުރިޓީއާއި އެކަންކުރިމީހާއަށް ޙިމާޔަތް ދީގެން ހުޅުމާލޭގައި ހިންގި ހިންދީ ދީނުގެ ޔޯގާ ޙަރަކާތުގެ އެންމެ ބޮޑު ޝިރުކު ހިމެނޭ "ސޫރިޔާ ނަމަސްކާރު – ސަން ސެލިއުޓޭޝަން"ކަމަށެވެ. ވީޑިއޯއިން އެމްއެންޑީއެފްގެ ބޮޑީގާޑުން ތިބޭހެން ތިބި ބަޔަކު ގޮނޑުދޮށުގައި ތިބިތަން ފެނެއެވެ.
މިކަމުގެ ނުބައިކަން ބަޔާންކޮށް ދީނީޢިލްމުވެރިން ވަނީ ކަންބޮޑުވުން ފާޅުކޮށްފައެވެ. މިކަމާ ގުޅިގެން ކަމާބެހޭ ރަސްމީ އިދާރާއަކުން އަދި އެއްޗެއް ނުބެއެވެ.
One Response
އެއްވެސް ޚަބަރަކުން އިސްތިހާރަކުން މިކަހަލަ ހަރަކާތެއްގެ ވާހަކަ ނީވޭތާ ދުވަސްކޮޅެއް ވެފަ މިޚަބަރު ފެނުނީމަ ހީވަނީ ޝެއިޚްމެން މިކަން ޕްރޮމޯޓް ކުރަން އުޅޭ ކަހަލަ ގޮތަކަށް. ހަރަކާތް ތަކުގެ ނަންތަކާއި ތަަޕްސީލު ދީފަ ހުރިވަރުން ހަމަ ބޮޑަށް ލަފާކުރެވެނީ ގުޅިގެން ހިނގާ އިސްތިހާރު ކުރުމެއް ހެން.