މޫސުމީ މައްސަލަތަކާއި ދެކޮޅަށް ކުރަމުން އަންނަ މަސައްކަތްތަކުގައި ދުނިޔެއަށް އޮތް މަގަމީ، އެންމެން އެއް އަޒުމެއްގައި މަސައްކަތް ކުރުން ނުވަތަ އެންމެން އެކީ ނެތި ފަނާވެގެން ދިއުންކަމުގައި، ޔޫއެންގެ ސެކެޓްރީ ޖެނެރަލް އެންޓޯނިއޯ ގުޓަރޭސް ވިދާޅުވެއްޖެއެވެ.
މިސްރުގެ ޝަރުމުއްޝެއިޚް ރިސޯޓުގައި މިހާރު ކުރިޔަށްދާ ކޯޕް27 ސަމިޓްގައި ދުނިޔޭގެ ހޫނުމިން މަތިވެގެންދިޔަ ނުދިނުމަށް ކުރެވުނު މަޝްވަރާތަކުގެ ދުނިޔޭގެ ލީޑަރުންނާއި މުޚާތަބްކޮށް ހޯމަދުވަހު ވާހަކަދައްކަވަމުން ގުޓަރޭސް ވިދާޅުވީ މިއަދު ދުނިޔެވަނީ "ދިރި ތިބުމަށްޓަކާ ކުރާންޖެހިފައިވާ ހަނގުރާމައެއްގެ ތެރޭގައި،" ކަމުގައެވެ.
އިންސާނިއްޔަތަށް އެބައޮތް އިޚްތިޔާރެއް: އެއީ އެއްމެން އެއް އެޒުމެއްގައި އެކީގައި މަސައްކަތް ކުރުން ނުވަތަ މަރުވެ ދިއުން.
ރަތް ކަނޑުގައި އޮންނަ ޝަރުމުއްޝައިޚް ރިސޯޓުގައި ކުރިޔަށްދާ ދުނިޔޭގެ ތިމާވެއްޓާބެހޭ ސަމިޓްގައި ވާހަކަ ދައްކަވަމުން ގުޓަރޭސް ވިދާޅުވިއެވެ.
އެއީ އެހެންޏާ މޫސުމީ އެއްބައިވަންތަކަމުގެ އެއްބަސްވުން ނުވަތަ އެއްމެން އެކީ މަރުވެދިއުމުގެ އެއްބަސްވުން.
މި ސަމިޓުގައި ވާހަކަ ދައްކަވަމުން ގުޓަރޭސްވަނީ، އިންޑަސްޓްރިއަލް ޒަމާނުގައި ދުނިޔޭގެ ހޫނުމިން ހުރި މިންވަރަށް އެބުރި ދިއުމަށްޓަކާ، ޕެރިސް އެގްރީމަންޓުގައި އެއްބަސްވެފައިވާ އަމާޒު ކަމުގައި 1.5 ޑިގްރީ ސެލްސިއަސްއަށްވުރެ ދުނިޔޭގެ ހޫނުމިން މަތިވެގެންދިޔަ ނުދިނުމަށްޓަކާ ޖައްވަށް ބޭރުވަމުންދާ ވިހަގޭސްތަކުގެ މިންވަރު ދަށްކުރުމަށް ދުނިޔޭގެ މުއްސަދި ގައުމުތަކާއި ކުރިއަރަމުން އަންނަ އިގްތިސާދުތަކާއި ދެމެދު ތާރީޚީ އެއްބަސްވުމަކަށް އައުމަށް ގޮވާލައްވާފައެވެ.
އޭނާ ދުނިޔެއަށް އިންޒާރު ދެއްވި ގޮތުގައި، މިހާރު ދުނިޔޭގެ އަމާޒު ހުރި ގޮތުން، "އަހަރުމެން އެންމެވެސް މިތިބީ، ހައިވޭއެއްގައި، މޫސުމީ ނަރަކައާއި ދިމާލަށް، ފައިން ސްޕީޑް ދީގެން" ކަމުގައެވެ.
