ކުރީގެ ރައީސް ޔާމިން އަބުދުލްގައްޔޫމްގެ ވެރިކަމުގައި އެމަނިކުފާނު ހައްޔަރު ކުރުމަށް އދ. މާމިގިލީ މެޖިސްޓްރޭޓް ކޯޓުން ނެރުނު އަމުރު ތައްޔާރުކުރި މައްސަލާއާއި ގުޅިގެން އެ ކޯޓުގެ އިސް މެޖިސްޓްރޭޓް އަހުމަދު ނިހާނަށް ޖޭއެސްސީން އެޅި ފިޔަވަޅު ކުޑަވެ އެކަމުގެ ކަންބޮޑުވުން ކުރީގެ ޕްރޮސެކިއުޓަރ ޖެނެރަލް އަޙްމަދު މުޢިއްޒު ފާޅުކުރައްވައިފިއެވެ.
ޔާމިންގެ ވެރިކަމުގައި ގާޒީ ނިހާން ނެރުއްވި އަމުރުގެ މައްސަލާގައި ޖޭއެސްސީން ނެރުނު ބަޔާނުގައި ބުނެފައިވަނީ، އދ.މާމިގިލީ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު އަޙްމަދު ނިހާންއާ ގުޅޭގޮތުން އެ ކޮމިޝަނަށް ހުށަހެޅުނު މައްސަލައެއް ތަހުގީގުކުރެވި ތައްޔާރުކުރެވުނު ރިޕޯޓް މިދިޔަ ބުދަ ދުވަހު ބޭއްވި މި ކޮމިޝަންގެ ޖަލްސާގައި ފާސްކޮށްފައި ވާކަމުގައެވެ. އެ މައްސަލާގައި ނިންމާފައި ވަނީ، ފުލުހުންގެ ބަޔަކު އާއްމުންގެ މީހަކާއެކު އދ.މާމިގިލީ މެޖިސްޓްރޭޓް ކޯޓަށް ގޮސް ކޯޓު އަމުރެއް ހޯދުމަށް މަސައްކަތްކުރިއިރު ފުލުހުންނާއެކު ދިޔަ އާއްމުންގެ މީހާއަށް އަމުރާ ގުޅޭގޮތުން ފަނޑިޔާރާ މުއާމަލާތުކުރުމުގެ ފުރުސަތު އިސްމެޖިސްޓްރޭޓް އަލްއުސްތާޛު އަޙްމަދު ނިހާން ދީފައިވާކަން ސާބިތުވާކަމަށެވެ.
އެހެންކަމުން ފިޔަވަޅެއްގެ ގޮތުން ނަސޭހަތް ދިނުމަށް ނިންމާފައިވާކަމަށް ޖޭއެސްސީން ބުންޏެވެ.
ނިހާނަށް އެޅި ފިޔަވަޅާއި ގުޅިގެން މުޢިއްޒު ވަނީ ކޮން މިންގަނޑަކުން ނިންމި ނިންމުމެއްތޯ ސުވާލުކުރައްވާފައެވެ. އަދި މިއަށްވުރެ މާ ކުދި ކަންތައްތަކުގައި މަޤާމުން ވަކިކުރުމަށް ނިންމާފައިވާކަމަށް ފެންނަކަމަށާއި، ރައީސް ޔާމީން ހައްޔަރުކުރުމަށް ޢަމުރެއް ނެރުމާއިބެހޭގޮތުން ޢާންމު މީހަކާ މުއާމަލާތް ކުރުމަކީ ކުޑަކަމެއް ނޫންކަމަށްވެސް މުޢިއްޒު ވިދާޅުވިއެވެ.
Kon mingagdakun nimmi kameh baa? Miahvure maa kudhi kanthah thakugai magaamun vakikurimah nimmaafa vaa kamah fene. Raees Yameen hayyaru kurumah amureh nerumaabeheygothun aammu meehakaa muaamalaaiy kurumakee kuda kameh noon. https://t.co/sFKFb2jXhq
— Ahmed Muizzu (@AhmedMuizzu) November 7, 2022
ޖޭސްއެސްސީން ނެރުނު ބަޔާނުގައި ވަނީ އިސްމެޖިސްޓްރޭޓް އަލްއުސްތާޛު އަޙްމަދު ނިހާންގެ މި ޢަމަލަކީ ފަނޑިޔާރުންގެ ސުލޫކީ މިންގަނޑުގެ 1.7 އަދި 3.1 އާ ޚިލާފަށް އިސްމެޖިސްޓްރޭޓް އަލްއުސްތާޛު އަޙްމަދު ނިހާން ކޮށްފައިވާ ޢަމަލެއްކަމަށްވާތީ، ޤާނޫނު ނަންބަރު 2008/10 (ޖުޑީޝަލް ސަރވިސް ކޮމިޝަންގެ ޤާނޫނު)ގެ 1-32 ވަނަ މާއްދާގެ (ހ)ގެ (1) ވަނަ ނަންބަރުގެ ދަށުން، އިސްމެޖިސްޓްރޭޓް އަލްއުސްތާޛު އަޙްމަދު ނިހާންއަށް ނަޞޭޙަތް ދިނުމާއެކު ކޮމިޝަނުން ކަނޑައަޅާ ތަމްރީނު ޕްރޮގްރާމެއް ފުރިހަމަކުރުމަށް އެންގުމުގެ ފިޔަވަޅު އެޅުމަށް ފެންނަ ކަމަށް ކޮމިޝަނުން ނިންމާފައި ވާކަމުގައެވެ.
ކުރީގެ ރައީސް ޔާމިންގެ ވެރިކަމުގައި، 2018ވަނަ އަހަރު، އދ. މާމިގިލީ ކޯޓުން، އެމަނިކްފާނު ހައްޔަރުކުރުމަށް ކޯޓު އަމުރެއް ނެރެފައި ވެއެވެ. އެއަށްފަހު އެމައްސަލާގައި ގާޒީ ނިހާނަށް ޓެރަރިޒަމްގެ ދައުވާކޮށް، އޭނާ ޖަލަށްވެސް ލެވުނެވެ. އެހެންނަމަވެސް ފަހުން އެހުކުމްވަނީ ހައިކޯޓުން ބާތިލް ކޮށްފައެވެ.
