މާލޭގެ ކާނިވާ ސަރަޙައްދަށް މިއަދު ވަރަށްބޮޑަށް އުދަ އަރައި ފެންބޮޑުވެއްޖެއެވެ. މިއީ ޢާއްމުކޮށްވެސް ބޮޑުދިޔާގައި އެސަރަހައްދުގެ މޫދުގެ ބާނިތައް ބޮޑުނަމަ އުދަ އަރާ ސަރަޙައްދެކެވެ. އެހެންނަމަވެސް މިއަދު ވަނީ އާދަޔާ ޚިލާފަށް އުދައަރައި ޢާންމުންނަށް ދަތިތަކާ ކުރިމަތިލާން ޖެހިފައެވެ.
މިއަދު އުދައަރައި ކާނިވާ ސަރަޙައްދުގައި ހުރި ކެފޭ ރެސްޓޯރެންޓް ތަކުގެތެރެއަށް ލޮނުގަނޑުވަދެފައިވެއެވެ. އަދި އެސަރަޙައްދުގައި ޕާކުކޮށްފައިވާ އެއްގަމު އުޅަނދުތަކަށްވެސް ވަނީ ވަރަށްބޮޑަށް ލުނުގެ އަސަރުކޮށްފައެވެ.
ކަމަކުދާކަށް ނެތް 🤯🤯🤯🌊🌊🌊
(ކާނިވާ ސަރަހައްދު) pic.twitter.com/qiOTDTfuMy— ZamzamFarish – ޒަމްޒަމް ފާރިޝް (@ZamzamFarish) November 5, 2022
މިއަދު ހެނދުނު 8:45އިން ފެށިގެން މެންދުރު 1:30 އާ ހަމައަށް އޮތް ވަގުތުތަކުގައި ރާއްޖޭގެ ބައެއް ސަރަޙައްދުތަކަށް އުދަ އަރާނެކަމަށް ލަފާކޮށް މޫސުމާބެހޭ ޤައުމީ އިރާއިން ވަނީ ހުދު ސަމާލުވެސް ނެރެފައެވެ.
މިވަގުތުގައި އުދައަރާނެކަމަށް ލަފާކޮށްފައިވަނީ މާލެ އަތޮޅުން ފެށިގެން އައްޑޫ ސިޓީއާ ހަމައަށް ހިމެނޭ ރަށްރަށަށެވެ. ކުރިއަށް އޮތް 5 ދުވަހު ރާއްޖޭގެ މޫސުން ކުރިއަށް ލަފާކުރާގޮތަށް ބަލާއިރު، އާދީއްތަ ދުވަހު މެދު ރާއްޖެތެރެއާއި ދެކުނުގެ ބައެއް ހިސާބުތަކަށް ވިއްސާރަކުރާނެއެވެ. އަދި އުތުރުގެ ބައެއް ރަށްރަށަށް ކެރީގެ އަސަރު ކުރާނެކަމަށް މޫސުމާބެހޭ ޤައުމީ އިދާރާއިން ލަފާކުރެއެވެ. އަދި ހޯމަ، އަންގާރަ، ބުދަ، މި ދުވަސްތަކުގައިވެސް ދެކުނަށް ވިއްސާރަކުރާނެކަމަށާ އެހެން ހިސާބުތަކަށް ކެރީގެ އަސަރު ކުރާނެކަމަށް އެއިދާރާއިން ލަފާކުރެއެވެ.
ކޮމެންޓު ފޮނުވާ