ބޭންކް އޮފް މޯލްޑިވްސްގެ އިންޓަރނެޓް ބޭންކިންގެ ޚިދުމަތަށް ބުރޫ އަރައިފިއެވެ. ބޭންކުން ކުރި ޓުވީޓެއްގައި ވިދާޅުވެފައިވަނީ ކުރިމަތި ވެފައިވާ ޓެކްނިކަލް މައްސަލަތަކެއްގެ ސަބަބުން ބީއެމްއެލްގެ އިންޓަރނެޓް ބޭންކިން އެޕްލިކޭޝަންގެ ޚިދުމަތް ފޯރުކޮށްދިނުމުގައި ދަތިތަކެއް ކުރިމަތިވަމުން ދާކަމުގައެވެ.
Due to a technical issue, we’re facing interruptions to our Internet Banking and Mobile App service. We’re working to resolve this as soon as possible. Our apologies for any inconvenience caused.
— Bank of Maldives (@bankofmaldives) October 30, 2022
ބީއެމްއެލްއިން އިންޓަރނެޓް ބޭންކިންގެ ޚިދުމަތް ފޯރުކޮށްދެމުންދާ އެޕްލިކޭޝަނަށް ލޮގްއިން ވުމުގައި މިހާރު ދަނީ މައްސަލަތަކެއް ދިމާވަމުންނެވެ. މީގެ ތެރޭގައި އެޕްލިކޭޝަނަށް ލޮގިން ނުވުމާއި، އަދި ލޮގިން ވުމަށްފަހު އެޕްލިކޭޝަނުން އަމިއްލައަށް ލޮގް އައުޓުވުން ފަދަ މައްސަލަތައް ކުރިމަތިވަމުންދާކަމަށް ބައެއް ކަސްޓަމަރުން ދަނީ ބުނަމުންނެވެ.
ބޭންކުން ވިދާޅުވެފައިވަނީ ދިމާވި ޓެކްނިކަލް މައްސަލަ ވީހާ އަވަހަކަށް ހައްލު ކުރެވޭތޯ މަސައްކަތް ކުރަމުންދާ ކަމަށާއި، ޚިދުމަތް ބޭނުންކުރަމުންދާ ފަރާތްތަކަށް ކުރިމަތިވެދާނެ ދަތިތަކަށް މާފަށް އެދޭކަމުގައެވެ.
ކޮމެންޓު ފޮނުވާ