މިމަހުގެ 25 ގައި ރިލީޒްކުރަން ތައްޔާރުވަމުން އަންނަ ފިލްމު، "ތޭންކް ގޯޑް" ގެ އާ ލަވައެއް ނެރެފިއެވެ.
އަސަރުގަދަ ލަވައެއް ކަމުގައިވާ "ދިލް ދޭ ދިޔާ ހޭ" ގެ ނަމުގައި ނެރުނު ލަވަ އަކީ ރިމޭކެކެވެ.
"ދިލް ދޭ ދިޔާ ހޭ" އަކީ ހަމަ މި ނަމުގައި 2003 ގައި ފިލްމު "މަސްތީ"، ގައި ހިމެނޭ އަސަރުގަދަ ލަވައެކެެވެ. މިއީ މިހާރުވެސް ގިނަ ބައެއްގެ މެދުގައި ވަރަށް މަގުބޫލު ލަވައެކެވެ.
މިލަވައިގެ ރީމެކެއް ބޮޑު ބަދަލަކާއި އެކުގައި ފިލްމުގައި ހިމަނާފައިވާއިރު މީގެ އޮރިޖިނަލް ލަވައިން އަދި ފިލްމުން ބޮޑު ކާސްޓެއް ފެނިގެން ދެއެވެ. ވިވޭކް އޮބެރޯއީ، އަފްތާބް ޝިވްދަސާނީ، ލާރާ ދައްތާ، އަޖޭ ދޭވްގަން، ގަނީލާ ޑި ސޫޒާގެ އިތުރުން އީޝާ ޑިއޯލް އަދި އަމްރިތާ ރާއޯ ފެނިގެންދިޔަ ފިލްމް "މަސްތީ" އަކީ ބޮކްސް އޮފީހުގައި ވަރަށް ކާމިޔާބު ފިލްްމްއެކެވެ.
ރަޝްމީ ވިރާގާއި ސަމީރު ލިޔެ، އަނަންދު ރާޖް އަނަންދު ކިޔާފައިވާ އެެ ލަވަ ކުރިއަށް އޮތް ލޯބީގެ ފިލްމު، "ތޭންކް ގޯޑް" ގައި ހިމަނާފައިވާއިރުގައި އެ ލަވައަށް ގިނަ ބަޔެއްގެ ސަމާލުކަން ވަނީ ލިބިފައެވެ.
އަޖޭގެ އިތުރުން ސިދާތު މަލްހޮތުރާ އާއި ރަކުލް ޕްރީތު ސިންގ ވެސް މުހިންމު ރޯލަކުން ފެނިގެންދާ ފިލްމް "ތޭންކް ގޯޑް" ދިވާލީގައި ރިލީޒް ކުރުމަށް ތައްޔާރުވެ ހުރިހާކަމެއް މިހާރު ނިމިފައި ވާއިރު ފިލްމު ޑައިރެކްޓް ކޮށްފައިވަނީ އިންދަރު ކުމާރެވެ.
މި ފިލްމްގެ ދެލަވައެއް މީގެ ކުރިން ވަނީ ބެލުންތެރިނަށް ދޫކޮށްލާފައެވެ. އެ ދެލަވައަށް ވެސް ގިނަ ބައެއްގެ ތައުރީފް ވަނީ ލިބިފައިއެވެ. އެ ދެލަވައަކީ ސިންހަޅަ ލަވަކިޔުންތެރިޔާ ޔޮހާނީގެ "މަނިކޭ" ގެ ހިންދީ ވާޝަންގެ އިތުރުން "ހާނިޔާ ވޭ" އެވެ.
މަސްހުނި އިހުސާސްތަކެއްގެ މައްޗަށް ހަދާފައިވާ މިފިލްމަކީ ޓީ ސީރީޒްގެ އުފެއްދުމެކެވެ. ފިލްމު ސިނަމާ ތަކުގައި އެޅުވުމަށް ތާވަލް ކޮށްފައިވަނީ މިމަހުގެ 25 ގައެވެ.
ކޮމެންޓު ފޮނުވާ