ކާމިޔާބު އެތައް ފިލްމު ތަކެއް ގެނެސްދީފައިވާ ޑައިރެކްޓަރު އާންދު އެލް ރާއީގެ އަސަރުގަދަ ލޯބިގެ ފިލްމަކަށް ބޮލީވުޑަގެ ކުޅަދާނަ އެކްޓަރު ވިކީ ކޯޝަލް ސޮއިކޮށްފިއެވެ.
މި ފިލްމުގެ ޝޫޓިން އަންނަ އަހަރު ފަށާނެ ކަމަށް މައުލޫމާތު ލިބެއެވެ. އެހެންކަމުން މިއީ ވިކީ އާއި އާނަންދު އެކުގައި މަސައްކަތް ކުރާ ދެވަނަ ފިލްމަށް ވާނެއެވެ. މީގެ ކުރިން ވިކީ ވަނީ "މަންމަރުޒިޔާ" ގައި އާނަންދާ އެކުގައި މަސައްކަތް ކޮށްފައެވެ.
އެފިލްމުގެ ޝޫޓިންގް ތެރެއިން ވިކީ އާއި އާންނަދާ ދެމެދުގައި ވަރަށް ގުޅުން ބަދަހިވެފައިވާކަމަށާއި އެހެންވެ އާނަންދުގެ ކުރިއަށް އޮތް ފިލްމު ވިކީއަށް ލިބިފައިވާކަމަށް މީޑިއާތަކުން ވަނީ ބުނެފައެވެ. ނަމަވެސް ފިލްމާ ބެހޭގޮތުން އަދި މިހާތަނަށް އެއްވެސް އިތުރު މައުލޫމާތެއް ރަސްމީކޮށް ހިއްސާކޮށްފައެއް ނުވެއެވެ. ނަމަވެސް އާނަންދު މަސައްކަތް ކުރަނީ ފިލްމުގެ ޝޫޓިންގ އަންނަ އަހަރު މެދެއްހާ ހިސާބުގައި ފެށުމަށް ކަމަށް ޚަބަރުތައް ބުނެއެވެ.
View this post on Instagram
ވިކީ މިހާރު އަންނަނީ މެގްނާ ގުލްޒާރުގެ "ސޭމް ބަހާދޫރު"ގެ މަސައްކަތް ކުރަމުންނެވެ. މީގެ އިތުރުންވެސް އޭނާ އަތުގައި ބޮޑެތި ގިނަ ޕްރޮޖެކްޓް ތަކެއް އެބަހުއްޓެވެ. އާނަންދު އެންމެ ފަހުން ގެނެސްދިން ފިލްމް އަކީ އަކްޝޭ ކުމާރުގެ "ރަކްޝާ ބަންދަން"އެވެ.
