އުއްމީދީ ދުވުންތެރިޔާ މަރިޔަމް ރޫޔާ އަލީ 100 މީޓަރު ދުވުމުގެ ގައުމީ ޔޫތު ރެކޯޑު އާކޮށްފިއެވެ.
މި ރެކޯޑް އެންމެ ފަހުން ވެސް އޮތީ ރޫޔާ އަތުގަ އެވެ. އޭނާ އެ ފަހަރު 100 މީޓަރުގެ އަންހެނުންގެ ޖޫނިއާ ރެކޯޑް ހެދީ ގައުމީ ގްރޭންޑްޕްރިކްސްގައި 12.53 ސިކުންތުން ރޭސް ނިންމައިގެންނެވެ. ރޫޔާ، އިއްޔެ، އެ ރެކޯޑް މުގުރާލީ، ކުވޭތުގައި ކުރިއަށްދާ އޭޝިއާ މުބާރާތުގެ ހީޓުގައި 12.52 ސިކުންތުން ރޭސް ނިންމައިގެންނެވެ. ރޫޔާ ދިޔައީ ހީޓް އެކެއްގެ ހަތަރު ވަނައެވެ.
އިންޓަ ސްކޫލް އެތުލެޓިކްސް މުބާރާތުން ފާހަގަވި ރޫޔާ އަންނަނީ ފަހަކަށް އައިސް ގިނަ ކާމިޔާބީތަކެއް ހޯދަމުންނެވެ. އަދި މއީ މި އަހަރު ރޫޔާ ވާދަކުރާ ބައިނަލްއަގުވާމީ ތިންވަނަ މުބާރާތެވެ.
Congratulations Ru’ya on breaking girls youth record 100m. at Asian youth athletics championship, Kuwait.
New record 12.52 sec beats her own record 12.53 sec made last year at National Grand Prix pic.twitter.com/lBQC4Tc3l0— Mohamed Tholal (@Tholal) October 13, 2022
ކުވެއިތުގައި އަންނަ އާދިއްތަ ދުވަހުގެ ނިޔަލަށް ކުރިއަށްދާ ބައްރުގެ ޖޫނިއާ އެތުލެޓިކްސް މުބާރާތުގައި ރޫޔާގެ އިތުރުން ދެން ވާދަކުރާ ދިވެހި އެތުލީޓުންނަކީ ހުސެއިން ޒީކް ސުއާދާއި، އިބްރާހީމް ނާހިލް ނިޒާރާއި، ޔޫސުފް އާއިޝް މުޙައްމަދު އަދި މުހައްމަދު މިންހާލް ޝާމިންއެވެ.
ކޮމެންޓު ފޮނުވާ