މިއަހަރުގެ އެޕްރިލްމަހުން ފެށިގެން މިހާތަނަށް މާލެއާއި އަތޮޅުތަކުން ޑެންގީ ހުންޖެހިގެން ރިޕޯޓުކުރަމުންދާ އަދަދު އިތުވެފައިވާތީ، ސަލާމުވުމަށް އެޗްޕިއޭއިން އިލްތިމާސް ކޮށްފިއެވެ.
އެޗްޕިއޭއިން ނެރުނު ނޫސްބަޔާނެއްގައި ވިދާޅުވެފައިވަނީ ފާއިތުވެދިޔަ ސެޕްޓެމްބަރުމަހާއި އަޅާބަލާއިރު އޮކްޓޯބަރުމަހުގެ މިހާތަނަށް ޑެންގީ ހުންޖެހިގެން ރިޕޯޓު ކުރެވޭ މިންވަރު އިތުރުވެފައި ވާކަމުގައެވެ. އަދި ކޮން އަހަރަކުވެ ވިއްސާރަ މޫސުމާއި ގުޅިގެން ޑެންގީ އުޅޭ ނިސްބަތް އިތުރުވެގެން ދާކަމުގައިވެސް މި ބަޔާނުގައި ވިދާޅުވެފައި ވެއެވެ.
އެޗްޕިއޭއިން ވިދާޅުވެފައިވަނީ މި އަހަރަކީ ގިނައިން ވިއްސާރަ ކުރި އަހަރަކަށް ވެފައި މިހާރުވެސް ކުރަމުންދާ ވިއްސާރައާއި ގުޅިގެން މަދިރި އާލާވެ އިތުރުވުން ކުރިއަށް ކުރިޔަށް އޮތްތަކުގައި ގިނަވާނެކަމަށް ބެލެވޭކަމަށް އެޗްޕީއޭއިން ހާމަ ކޮށްފައި ވެއެވެ.
އެޗްޕިއޭގެ އިއުލާނުގައިވަނީ ޑެންގީ ފަދަ "މަދިރީގެ ޒަރީއާއިން" ފެތުރޭ ބަލިތަކުން ރައްކާތެރި ވުމުމަށް އަޅާންޖެގޭ ފިޔަވަޅުތައްވެސް ގެނެސްދީފައެވެ.
އެޗްޕީއޭއިން ހާމަ ކޮށްފައިވާ ގޮތުގައި، ޑެންގީ ހުން އައުމުން އިތުރައް އެހެން ނުރައްކާތަކާ ކުރިމަތިލާންޖެހެއެވެ. ޚާއްސަކޮށް ކުޑަކުދިންނާއި މާބަނޑު އަންހެނުންނާއި، އުމުރުން ދުވަސްވީ މީހުންނާއި ބައެއް ބޮޑެތި ބަލިތައް ހުންނަ މީހުންނަށް ޑެންގީގެ ނުރައްކާ ބޮޑުވެއެވެ.
މިގޮތުން މި ފަދަ ހާލަތްތައް އަވަހަށް ދެނެގަނެ ފަރުވާ ނުފެށިއްޖެނަމަ ފުރާނައަށް ނުރައްކާ ވުންވެސް އެކަށީގެން ވެއެވެ.
އެހެންކަމުން އެޗްޕިއޭއިން އިލްތިމާސް ކޮށްފައިވާ ގޮތުގައި 3 ދުވަހަށްވުރެ ގިނައިން ހުން އަންނަނަމަ ނުވަތަ ޑެންގީގެ ނުރައްކާތެރި އަލާމާތެއް (ކުޑަކަމު ދެވޭ މިންވަރު މަދުވުން، މާ ބޮޑަށް ވަރުދެރަވުން، ތުއްތު ކުދިންނަށް ގާތުން ނުބޮވުން، ބަނޑުގައި ރިއްސުން، ގިނައިން ހޮޑުލެވުން، ހަށިގަޑުގެ އެއްވެސް ތަނަކުން ލޭ ައުންފަދަ އަލމާތްތައް) ފެނިއްޖެނަމަ ލަސްނުކޮށް ސިްޙި ޚިދުމަތް ދޭ މަރުކަޒަކަށް ދިއުން މުހިންމުކަމަށްވެސް އެޗްޕިއޭއިން ވިދާޅުވެފައި ވެއެވެ.
އެޗްޕިއޭއިން ވިދާޅުވެފައިވާ ގޮތުގައި ޑެންގީ ކޮންޓްރޯލް ކުރުމަށްޓަކާ އެންމެ މުހިންމު ޑެންގީ ޖައްސާ މަދިރި އާލާވުން ހުއްޓުވުމެވެ. އެހެންކަމުން މިކަން ހާސިލްކުރެވޭނީ ލޯކަލް ކައުންސިލްތަކާއި، ސިއްޙި ޚިދުމަތްދޭ ފަރާތްތަކާއި، ކޮންސްޓްރަކްޝަން އަދި އެހެނިހެން އިންޓަސްރިއަލް މަސައްކަތްކުރާ ސައިޓްތައް ހިންގާ ފަރާތްތަކާއި އާންމު ފަރާތްތަކުގެ ބައިވެރިވުމާއި އެކުގައިކަމަށް އެޗްޕީއޭއިން ވިދާޅުވެފައި ވެއެވެ.
