ކުޑަ ފިރިހެން ކުއްޖަކަށް ޖިންސީ ގޯނާ ކުރި ފިރިހެނަކު ފުލުހުން ހައްޔަރު ކޮށްފިއެވެ.
މައުލޫމާތު ލިބިފައިވާ ގޮތުގައި 14 އަހަރުގެ ފިރިހެން ކުއްޖާއަށް ޖިންސީ ގޯނާ ކޮށްފައިވާ މިމައްސަލަ ޕޮލިހަށް ހުށަހަޅާފައިވަނީ މިމަހުގެ ފަސްވަނަ ދުވަހުއެވެ.
ފުލުހުންނާއި ހަވާލާ ދީ ބައެއް މީޑިއާތަކުގައި ރިޕޯޓު ކޮށްފައި ވާގޮތުން، މިމައްސަލާގައި ކޯޓު އަމުއްގެ ދަށުން 49 އަހަރުގެ ފިރިހެނަކު ފުލުހުން ހައްޔަރު ކޮށްފައިވަނީ މިމަހުގެ 6 ވަނަ ދުވަހުއެވެ. އަދި އޭނާގެ ބަންދާމެދު ގޮތެއް ނިންމުމަށް މިމަހުގެ 7 ވަނަ ދުވަހު ކޯޓަށް ހާޒިރު ކުރުމުން ޝަރީއަތް ނިމެންދެން އޭނާ ބަންދުގައި ބެހެއްޓުމަށްވެސް ކޯޓުންވަނީ އަމުރު ކޮށްފައެވެ.
ކުޑަކުދިންނަށް ކުރާ ޖިންސީ ގޯނާގެ މައްސަލަތަކަކީ ގާނޫނުން ބޮޑެތި އަދަބުތަކެއް ކަނޑައެޅިފައިވާ ކުށްތަކެކެވެ.
