ބޮލީވުޑްގެ ދެ އެކްޝަން ތަރިން ކަމަށްވާ އަކްޝޭ ކުމާރާއި ޓައިގާ ޝްރޮޕް ގެ ކުރިއަށް އޮތް ފިލްމް "ބަޅޭ މިޔާ ޗޯޓޭ މިޔާ" ގެ ބަތަލާ އަކީ ޖާންވީ ކަޕޫރް ކަމަށް ރިޕޯޓްތައް ބުނެފި އެވެ.'
މީގެ ކުރިން މި ފިލްމް އަށް ޝްރައްދާ ކަޕުރު ނަގައިފައިވާ ކަމަށް ވެސް ވަނީ ހަބަރުތަށް ފެތުރިފައިއެވެ. ނަމަވެސް ފިލްމްގެ ބަތަލާގެ ރޯލަށް މިހާރު ޖާންވީ ނަގައިފައިވާ ކަަމށާއި ފިލްމް އިން ފެނިގެންދާނީ ޖާންވީ ކަަމަށާއި ފިލްްމ އަށް އޭނާ ސޮއި ކޮށްފައިވާ ކަަމަށް ހަބަރުތަށް ބުނެއެވެ.
އަލީ އައްބާސް ޒަފަރު ލިޔެ، ޑައިރެކްޓްކުރާ ފިލްމަށް ޖާންވީ މިހާރު ވަނީ ސޮއިކޮށްފަ އެވެ. އެކަމަކު މިކަން އަދި ފިލްމުގެ ޓީމުން ކަށަވަރުކޮށެއް ނުދެ އެވެ. ބޮޑު ބަޖެޓަކުން ވަރަށް ގްރޭންޑްކޮށް ހަދަން ނިންމާފައިވާ "ބަޅޭ މިޔާ ޗޯޓޭ މިޔާ" އަކީ ޕްރޮޑިއުސަރު ވާޝޫ ބަގްނާނީ އާއި ދަރިފުޅު ޖެކީ ބަގްނީނީގެ ޕޫޖާ އެންޓަޓައިންމަންޓުން ހަދަން ނިންމާފައިވާ ފިލްމެކެވެ.
1989 ވަނަ އަހަރު ވަނީ މި ނަމުގައި ފިލްމެއް ގެނެސްދީފައެވެ. އެ ފިލްމުން ފެނިގެން ދިއައީ އަމީތާބް ބައްޗަން އާއި ގޯވިންދާއެވެ. ގޯވިންދާ ވަނީ އެ ފިލްމްގައި ޑަބަލް ރޯލު ކުޅެފައެވެ.
އަކްޝޭ އާއި ޓައިގާގެ ފިލްމަކީ ވަރުގަދަ އެކްޝަން ތަރިއްލާއެކެވެ. އަންނަ އަހަރުގެ ކުރީކޮޅު މި ފިލްމުގެ ޝޫޓިން ފެށުމަށް ތައްޔާރީތައްވަމުން އަންނަ އިރު، ޝޫޓްކުރަން ހަމަޖެހިފައި ވަނީ އިނގިރޭސިވިލާތާއި ސްކޮޓްލޭންޑްގެ އިތުރުން ސައުދީ އަރަބިއްޔާގަ އެވެ.
ކޮމެންޓު ފޮނުވާ