އިދިކޮޅު ޕީޕީއެމްގެ ރައީސް އަދި ކުރީގެ ރައީސް ޔާމިން ކުޑަ ހުވަދޫއަށް ވަޑައިގެންފިއެވެ.
ޕީޕީއެމްއިން ހާމަ ކޮށްފައިވާ ގޮތުގައި ޔާމިން ކުޑަހުވަދޫއަށް ވަޑައިގެން އެރަށުގެ ރައްޔިތުންނާއި ބައްދަލު ކުރައްވާނެއެވެ. އޭގެ އިތުން ޕާޓީގެ ހަރަކާތްތައް ކުރިއަރުވާ، ޕާޓީއަށް މެމްބަރުން އިތުރު ކުރުމަށް ބާއްވާ ހަރަކާތްތަކުގައިވެސް މި ދަތުރުފުޅުގައި ޔާމިން ބައިވެރިވެޑައިގަތުމަށް ވަނީ ހަމަޖެހިފައެވެ.
އޭގެ އިތުރުން މިއަދު ހަވީރުގެ ވަގުތުގައި ޔާމިން ކުޑަހުވަދޫގެ ބައެއް ރައްޔިތުންނާއި ބައްދަލު ކުރައްވާފައިވާއިރު މިރޭ ބޭއްވުމަށް ހަމަޖެހިފައިވާ ޖަލްސާގައި ވާހަކަ ދެއްކެވުމަށްވެސް ވަނީ ހަމަޖެހިފައެވެ.
މި ދަތުރުފުޅަކީ، ކުރިޔަށް އޮތް ރިޔާސީ އިންތިޚާބުގެ ޓިކެޓް ޔާމިންއާއި އިދިކޮޅު ޕީޕިއެމްއިން ހަވާލުކުރި ފަހުން ރާއްޖެތެރެއަށް ކުރައްވާ ފުރަތަމަ ދަތުރުފުޅެވެ.
މިއަދު ކުޑަހުވަދުއަށް ވަޑައިގެންނެވުމުން އެރަށުގެ ގިނަބަޔަކުވަނީ ޔާމިންއަށް ދަންނަވާފައެވެ.
