ރ.މާކުރަތު ބަނދަރު މަރާމާތުކޮށް ބޮޑުކުރުމުގެ މަސައްތަށް ބޭނުންވާ ބޮޑު ހިލައިގެ ފުރަތަމަ ޝިޕްމަންޓް އެރަށަށް ގެންގޮސްފިއެވެ.
އެމްޓީސީސީން ބުނެފައިވަނީ މާކުރަތު ބަނދަރު ތަރައްޤީ ކުރުމުގެ މަޝްރޫޢުގެ ދަށުން، މަސައްކަތަށް ބޭނުންވާ ބޮޑުހިލައިގެ ފުރަތަމަ ޝިޕްމަންޓް ވަނީ ޕްރޮޖެކްޓް ސައިޓަށް ގެންދެވިފައިކަމަށެވެ.
First shipment of concrete blocks required for R. Maakurathu Harbor Development Project has been delivered to the project site on 21st September 2022. Currently, dredging works of new harbor basin is ongoing with 87% project completion.#MTCCProjects #RayyithungeKunfuni pic.twitter.com/fQ8X5gLg5e
— MTCC Plc (@MTCCPlc) September 21, 2022
މާކުރަތުގައި މިހާރު ހަދާފައި އޮތް ބަނދަރަކީ 600 ފޫޓް ދިގު 272 ފޫޓް ފުޅާބަނދަރެކެވެ. ބަނދަރު މަރާމާތު ކޮށް ބަނަދަރަށް އިތުރު ކުރުމަށް ނިންމާފައިވަނީ 252 ފޫޓް ނުވަތަ 77 މީޓަރެވެ. މިހާރު ބެޭނުން ކުރަމުންދާ ބަނދަރުގެ މަރާމާތުގެ މަސައްކަތާއެކު ނިންމާ ގޮތައް ކުރިއަށްގެންދާ މި މަޝްރޫޢުގެ ދަށުން 45،024 އަކަމީޓަރު ބަނދަރު ފުންކުރާނެއެވެ. އަދި 140 މީޓަރު ބޭރުތޮށި ޖެހުމާއި، 85 މީޓަރު ރިވެޓްމެންޓް ޖެހުމާއި، 28 މީޓަރުގެ ގްރޮއިން ޖެހުން ހިމެނެއެވެ. އަދި 129 މީޓަރު އެއްގަމުތޮށި ޖެހުމާއި، 26 މޫރިންގ ރިންގް ހަރުކުމާއި، ބޮޑެތި އުޅަނދުތައް އެޅުމަށް ޚާއްސަކޮށް 5 މޫރިންގ ބޮއި ހަރުކުރުމަށްވެސް ހަމަޖެހިފައިވެއެވެ.
މީގެ އިތުރުން ރޭމްޕް ހެދުމާއި، 641 އަކަމީޓަރުގެ ޕޭވްމަންޓު ހެދުމާއި، ބަނދަރު ހިމެނޭ ސަރަހައްދުގައި މަގު ބައްތި ޖެހުމުގެ މަސައްކަތްވެސް މި މަސްރޫއުގެ ދަށުން ކުރެވިގެންދާނެއެވެ. މި މަޝްރޫޢަށް 26.6 މިލިއަން ރުފިޔާ ޚަރަދުވާނެކަމަށް ޕްލޭނިންގ މިނިސްޓްރީން ވިދާޅުވެއެވެ.
މި މަސްރޫއުގެ މަސައްކަތް އެކުންފުންޏާ ހަވާލުކޮށްފައިވަނީ މިއަހަރުގެ ޖަނަވަރީ މަހުގެ ތެރޭގައެވެ. މިބަނދަރު ބޮޑުކުރުމުގެ މަސައްކަތް އެމްޓީސީސީ އާ ހަވާލު ކުރީ 350 ދުވަހުގެ ތެރޭގައި މަސައްކަތް ނިންމާގޮތައް 26.6 މިލިއަން ރުފިޔާއަށެވެ.
ކޮމެންޓު ފޮނުވާ